ઝિમ્બાબ્વેમાં ફેરી હોડી પલટી જતાં 18 બાળકો સહિત 72 લોકોનાં મોત, બોટમાં 90 મુસાફરોને બદલે 153 મુસાફરો હતા

જૂની ફેરી કરીબા શહેરથી દેશના ઉત્તર પશ્ચિમમાં ગ્રામીણ અને માછીમાર સમૂદાયોમાં જઈ રહી હતી, જ્યાં રસ્તાઓ ખરાબ છે અને જાહેર પરિવહનનો અભાવ છે. અધિકારીઓએ જણાવ્યું નથી કે કેટલા લોકો તેમાં સવાર હતા અથવા કેટલા ગુમ છે. આ અકસ્માત મંગળવારે થયો હતો. જે બોટ પલટી ગઈ તે સરકારી એજન્સી દ્વારા સંચાલિત હતી. તેનો ઉપયોગ કરીબા તળાવની આસપાસના ગ્રામીણ વિસ્તારોમાંથી લોકોને કિનારે આવેલા કરીબા શહેરમાં લઈ જવા માટે થાય છે.

અંદાજ મુજબ મુસાફરોની સંખ્યા 153 સુધીની છે, જ્યારે અધિકારીઓ કહે છે કે ફેરીમાં 90 લોકોની ક્ષમતા છે. ઝિમ્બાબ્વેની ડિઝાસ્ટર મેનેજમેન્ટ એજન્સીએ જણાવ્યું કે 77 લોકોને બચાવી લેવામાં આવ્યાં હતા. 77 લોકોને તળાવના એક નાના ટાપુ પર લઈ જવામાં આવ્યાં હતા, અને તેમને બહાર કાઢવા માટે બોટ મોકલવામાં આવી હતી. મૃતકોમાંથી 16 વર્ષ કે તેથી ઓછી ઉંમરના બાળકો પણ હતા, જેમાં સૌથી નાનું બાળક માત્ર એક વર્ષનું હતું.

કરીબા વિશ્વનું સૌથી મોટું માનવસર્જિત તળાવ છે.તે 1950 ના દાયકાના અંતમાં અને 1960 ના દાયકાની શરૂઆતમાં ઝામ્બેઝી નદી પર બંધ કરીને બનાવવામાં આવ્યું હતું. તે 200 કિલોમીટરથી વધુ સુધી ફેલાયેલું છે.