નેપાળમાં ભયાનક પૂરમાં વડોદરાનું એક NRI દંપતી ગુમ, મોતનો આંકડો 350 અને 1400 લોકો ગુમ

વડોદરાનું NRI દંપતી, જે હાલમાં ન્યૂઝીલેન્ડમાં રહે છે, નેપાળની યાત્રા દરમિયાન રહસ્યમય સંજોગોમાં ગુમ થઈ ગયું છે. આ ઘટનાથી વડોદરા અને ન્યૂઝીલેન્ડ બંનેમાં તેમના પરિવારના સભ્યોમાં ચિંતાનો માહોલ છે.

ગુમ થયેલા દંપતીની ઓળખ મિહિર પટેલ અને તેમના પત્ની કિન્નરી પટેલ તરીકે થઈ છે. મૂળ વડોદરાના, આ દંપતી ન્યૂઝીલેન્ડમાં રહેતું હતુ. તેઓ મુંબઈની એક ટ્રાવેલ એજન્સી દ્વારા નેપાળ ગયા હતા. અહીં પહોંચ્યાંના થોડા સમય પછી, તેમનો પરિવાર સાથેનો સંપર્ક તૂટી ગયો.

આ દંપતી તેમના પરિવાર સાથે નિયમિત સંપર્કમાં હતું, પરંતુ તેમનો મોબાઇલ અચાનક બંધ થઈ જવાથી પરિવારની ચિંતા વધી ગઈ છે. કિન્નરી પટેલના ભાઈ ચિરાગ પટેલે ગુજરાત અને કેન્દ્ર સરકારને તાત્કાલિક સહાય માટે અપીલ કરી છે. તેમણે વિદેશ મંત્રાલય અને નેપાળમાં ભારતીય દૂતાવાસને દંપતીની શોધ ઝડપી બનાવવા માટે નેપાળી વહીવટીતંત્ર સાથે સંકલન કરવા વિનંતી કરી છે. પરિવાર તેમના છેલ્લા સ્થાન, હોટેલ બુકિંગ અને ટૂર ગાઇડ અંગે ટ્રાવેલ એજન્સી પાસેથી માહિતી એકત્રિત કરી રહ્યો છે 

ઓડિશાનું એક દંપતી, જે નેપાળના પ્રવાસે ગયું હતું, તે પણ ગુમ થયું છે. ગુમ દંપતીની ઓળખ સંદીપ મહાપાત્રા અને સિદ્ધાર્થિ સાહુ તરીકે થઈ છે, બંને મૂળ ખુર્દાના રહેવાસી છે. તેઓ 2018 થી ઓસ્ટ્રેલિયામાં રહેતા હતા, અને નેપાળની યાત્રા માટે ગયા હતા. સંદીપ મહાપાત્રા અને સિદ્ધાર્થિ સાહુ  કાઠમંડુની મુલાકાત માટે જઈ રહ્યાં હતા. તેઓ 22 ઓગસ્ટ, 2026 ના રોજ નેપાળ પહોંચ્યાં હતા. બાદમાં તેઓ ગુમ થઇ ગયા છે.