Fact Check: કસ્ટમાઈઝ્ડ વાહનમાં સવાર લોકોનો એક વીડિયો સોશિયલ મીડિયા પર વાયરલ થઈ રહ્યો છે જેમાં દાવો કરવામાં આવ્યો છે કે આ લોકો કળિયુગના પુષ્પક વિમાનમાં પ્રયાગરાજ મહાકુંભમાં જઈ રહ્યાં છે. અમારા Fact Check ની તપાસમાં જાણવા મળ્યું કે આ વાયરલ વીડિયો થાઈલેન્ડનો છે, જે નવેમ્બર 2024થી ઈન્ટરનેટ પર ઉપલબ્ધ છે. આનો પ્રયાગરાજ મહાકુંભ સાથે કોઈ સંબંધ નથી.
ફેસબુક પર આ વીડિયો શેર કરતી વખતે એક યુઝરે લખ્યું, કળિયુગના પુષ્કર વિમાનથી કુંભમાં જઈ રહ્યાં છીએ.
ફેક્ટ ચેકની ટીમે આ દાવાની ચકાસણી કરવા માટે ગુગલ લેન્સ વડે વાયરલ વીડિયોની કેટલીક કીફ્રેમ્સ સર્ચ કરી. અમને આ વીડિયો કેટલાક સોશિયલ મીડિયા પ્લેટફોર્મ પર મળ્યો, જેમાં તે થાઈલેન્ડનો હોવાનું કહેવાય છે. એક ઇન્સ્ટાગ્રામ યુઝરે 6 નવેમ્બર 2024ના રોજ થાઈ કેપ્શન સાથે આ વીડિયો શેર કર્યો હતો.
