વોશિંગ્ટન: અમેરિકાની મધ્યસત્ર ચૂંટણીના પરિણામો આવવા લાગ્યા છે. ભારતીય-અમેરિકન નેતાઓએ આ ચૂંટણી જીતી છે. વિજેતાઓમાં પિયા દાંડિયા, અરુણા મિલર અને સુહાસ સુબ્રમણ્યમનો સમાવેશ થાય છે.
પિયા દાંડિયાએ ફ્લોરિડાથી યુએસ હાઉસ ઓફ રિપ્રેઝન્ટેટિવ્સની ચૂંટણી જીતી
પિયા દાંડિયા અમેરિકામાં ડેમોક્રેટિક પાર્ટીના નેતા છે. તેમણે ફ્લોરિડાથી યુએસ હાઉસ ઓફ રિપ્રેઝન્ટેટિવ્સની ચૂંટણી જીતી છે. તે ભારતીય મૂળના છે. તેમણે રિપબ્લિકન મરીન અનુભવી કેસી અસ્કરને હરાવ્યાં છે. મંગળવારે જાહેર થયેલા પરિણામો અનુસાર ભૂતપૂર્વ હાઇસ્કૂલ પ્રિન્સિપાલ દાંડિયાએ 51.9 ટકા મત મેળવ્યાં હતા અને યુએસ કોંગ્રેસના નવા ભારતીય-અમેરિકન સભ્ય બન્યાં છે.
તેમના વિરોધી અસ્કરને 49.1 ટકા મત મળ્યાં હતા. દાંડિયાના માતા-પિતા ભારતમાંથી સ્થળાંતર કરીને યુએસમાં સ્થાયી થયા હતા. પિયાએ ઓછી આવક ધરાવતા વિદ્યાર્થીઓના જીવનમાં પરિવર્તન લાવવા અને તેમને આર્થિક સ્વતંત્રતાના માર્ગ પર લાવવાના ઉદ્દેશ્ય સાથે એક હાઇસ્કૂલની સ્થાપના કરી હતી.
