અમદાવાદઃ 70 મા ફિલ્મફેર એવોર્ડ્સ 2025 ની સાંજ સ્ટાર્સથી ભરપૂર હતી. સમારોહ અમદાવાદમાં યોજાયો હતો. શાહરૂખ ખાન, અક્ષય કુમાર, કરણ જોહર અને કાર્તિક આર્યન સહિત ઘણા બોલિવૂડ સ્ટાર્સે અમદાવાદમાં હાજરી આપી હતી.
આ સ્ટાર્સે ફિલ્મફેર એવોર્ડ જીત્યા
આ કાર્યક્રમમાં 2024 માં રિલીઝ થયેલી કેટલીક ફિલ્મોને ફિલ્મફેર એવોર્ડથી સન્માનિત કરવામાં આવી હતી. 11 ઓક્ટોબરની આખી સાંજ આમિર ખાન નિર્માણ, લાપત્તા લેડીઝને સમર્પિત હતી. જેણે વિવિધ શ્રેણીઓમાં લગભગ 13 એવોર્ડ જીત્યા હતા. અમિતાભ બચ્ચનના પુત્ર અભિષેક બચ્ચનને બોલિવૂડ ઉદ્યોગમાં પ્રવેશના 25 વર્ષ પછી તેમનો પહેલો શ્રેષ્ઠ અભિનેતા ફિલ્મફેર એવોર્ડ મળ્યો છે. તેમને આ એવોર્ડ શૂજિત સરકારની આઈ વોન્ટ ટુ ટોક માટે મળ્યો હતો. આ અભિનેતાએ અગાઉ શ્રેષ્ઠ સહાયક અભિનેતા તરીકે ત્રણ ફિલ્મફેર એવોર્ડ જીત્યા છે.
અભિષેક ઉપરાંત કાર્તિક આર્યનને શ્રેષ્ઠ અભિનેતાનો પહેલો ફિલ્મફેર એવોર્ડ મળ્યો છે. તેમને આ એવોર્ડ ફિલ્મ ચંદુ ચેમ્પિયન માટે મળ્યો હતો. તેમણે અગાઉ 2023 માં રિલીઝ થયેલી ભૂલ ભુલૈયા 2 માટે એવોર્ડ જીત્યો હતો. આલિયા ભટ્ટને ફિલ્મ જીગરા માટે શ્રેષ્ઠ અભિનેત્રીનો ખિતાબ મળ્યો છે.
