ગાંધીનગરઃ ગુજરાતમાં શનિવારે 69મો ફિલ્મફેર એવોર્ડ સમારોહ યોજાયો હતો. વીકી કૌશલ અને ફાતિમા સના શેખ સ્ટારર ફિલ્મ સામ બહાદુરે બેસ્ટ સાઉન્ડ ડિઝાઈનિંગ, બેસ્ટ કોસ્ચ્યુમ ડિઝાઈન અને બેસ્ટ પ્રોડક્શન ડિઝાઈનની શ્રેણીમાં ત્રણ એવોર્ડ જીત્યા હતા. અપારશક્તિ ખુરાના અને કરિશ્મા તન્નાએ 69મા ફિલ્મફેર એવોર્ડ્સ કર્ટેન રાઇઝર સમારોહનું આયોજન કર્યું હતું. દરમિયાન વિજેતાઓની જાહેરાત કરવામાં આવી હતી અને શ્રેષ્ઠ ફિલ્મ, શ્રેષ્ઠ દિગ્દર્શક, સિનેમેટોગ્રાફી, સ્ક્રિપ્ટ, કોસ્ચ્યુમ અને એડિટિંગ સહિત ઘણી શ્રેણીઓમાં પુરસ્કારો આપવામાં આવ્યાં હતા.
'રોકી ઔર રાની કી પ્રેમ કહાની'ના ગીત 'વોટ ઝુમકા' માટે ગણેશ આચાર્યને બેસ્ટ કોરિયોગ્રાફીનો એવોર્ડ મળ્યો હતો. '12મી ફેલ'ને બેસ્ટ એડિટિંગનો એવોર્ડ મળ્યો હતો. શાહરૂખ ખાનની ફિલ્મ જવાનને બેસ્ટ સ્પેશિયલ ઈફેક્ટ્સ (વિઝ્યુઅલ) અને બેસ્ટ એક્શન માટે એવોર્ડ મળ્યાં હતા. 'એનિમલ'ને બેસ્ટ બેકગ્રાઉન્ડ મ્યુઝિકનો એવોર્ડ મળ્યો. એનિમલ’ અને ‘સેમ બહાદુર’ને સંયુક્ત રીતે બેસ્ટ સાઉન્ડ ડિઝાઇનનો એવોર્ડ મળ્યો હતો.
69મા ફિલ્મફેર પુરસ્કારોની યાદી:
બેસ્ટ સાઉન્ડ ડિઝાઇન- કુણાલ શર્મા 'સેમ બહાદુર' અને સિંક સિનેમા માટે 'એનિમલ'
