બિલ વગરનો માલ, SGST એ અમદાવાદમાં એક બસમાંથી 120 કિલો ચાંદી અને 700 ગ્રામ સોનું કર્યું જપ્ત

અમદાવાદમાં એક ખાનગી બસમાંથી 120 કિલો ચાંદી, 700 ગ્રામ સોનું, કિંમતી પથ્થરો જપ્ત કરાયા છે, જેની કિંમત 4.20 કરોડ રૂપિયા હોવાનો અંદાજ છે.

રાજ્ય વેરા ખાતાની મોબાઇલ સ્કવોડની ટીમને આ અંગેની બાતમી મળી હતી અને અમદાવાદમાં એક ખાનગી બસમાં તપાસ શરૂ કરતા જ આ જથ્થો મળી આવ્યો હતો.

નોંધનિય છે કે ખાસ કરીને રાજસ્થાનથી ગુજરાતમાં અવર-જવર કરતી ખાનગી બસોમાં ચાંદી સહિતની વસ્તુઓની હેરાફેરી થઇ રહી છે, બિલ વગરનો માલ અનેક વર્ષોથી આવી બસોમાં લઇ જવામાં આવે છે અને પકડાય છે તે જથ્થો ઘણો ઓછો હોય છે, આ મામલે સ્ટેટ જીએસટીએ વધુ કડક થઇને માફિયાઓ સામે કાર્યવાહી કરવી જોઇએ.