Real Stories. Real Gujarat.
અમદાવાદઃ આંતરરાષ્ટ્રીય એરપોર્ટ પરથી ફરીથી ગાંજો ઝડપી લેવામાં આવ્યો છે. વડોદરાનું દંપતી બેંગકોકથી 1.928 ગ્રામ હાઇડોપોનિક્સ ગાંજો લઇને આવ્યું હતું.
અમદાવાદ એરપોર્ટ પર કસ્ટમ વિભાગના એર ઇન્ટેલિજન્સ યુનિટ (AIU) એ આ ગાંજાનો જથ્થો ઝડપી પાડ્યો હતો, એજન્સીએ બંને આરોપીઓની ધરપકડ કરીને વધુ તપાસ શરૂ કરી છે.
2 સપ્ટેમ્બર 2026ના રોજ ફ્લાઇટ નંબર TG-343 માં બેંગકોકથી અમદાવાદ આવેલી મહિલા અને તેના પતિની તપાસ કરવામાં આવતા તેમની પાસેથી આ નશાનો સામાન મળી આવ્યો હતો.
ટ્રોલિ બેગમાં આ ગુપ્ત ખાના ખોલતા વેક્યૂમ પેક કરાયેલા પારદર્શક પેકેટ મળી આવ્યાં હતા. કુલ 10 પેકેટમાંથી લીલા રંગનો શંકાસ્પદ પદાર્થ મળી આવ્યો હતો, જે હાઇડોપોનિક ગાંજો હતો. જેની આંતરરાષ્ટ્રીય બજારમાં કિંમત 2 કરોડ રૂપિયા જેટલી થાય છે. હાલમાં આ કેસની ઉંડી તપાસ કરવામાં આવી રહી છે.
