હોર્મુઝમાંથી પસાર થઈ રહેલા જહાજ પર ઈરાની હુમલો, એક ભારતીય ગુમ, 10 ને બચાવી લેવાયા

અહેવાલો અનુસાર, હુમલા બાદ GFS Galaxy માં આગ લાગી હતી, જેના કારણે ક્રૂ સભ્યોએ જહાજ છોડવાની ફરજ પડી હતી. ભારત સરકારે પુષ્ટિ કરી છે કે જહાજ પર સવાર 11 ભારતીયોમાંથી 10 ને અત્યાર સુધીમાં બચાવી લેવામાં આવ્યા છે, જ્યારે એક હજુ પણ ગુમ છે.

વિદેશ મંત્રાલય દ્વારા હુમલાની નિંદા

વિદેશ મંત્રાલયે ઓમાનના દરિયાકાંઠે જહાજ પર થયેલા હુમલા અંગે નિવેદન બહાર પાડ્યું છે. સવારે ઓમાનના દરિયામાં જહાજ GFS Galaxy પર થયેલા હુમલાની નિંદા કરી છે. જહાજ પર સવાર 11 ભારતીય નાગરિકોમાંથી અત્યાર સુધીમાં 10 ને બચાવી લેવામાં આવ્યાં છે, જ્યારે એક ભારતીય નાગરિક ગુમ હોવાના અહેવાલ છે.

ઓમાનમાં ભારતીય દૂતાવાસ પરિસ્થિતિ પર નજીકથી નજર રાખી રહ્યું છે. શોધ અને બચાવ કામગીરી અંગે ઓમાની સત્તાવાળાઓ સાથે સતત સંકલનમાં છે. અમે ઓમાની સત્તાવાળાઓનો તેમના સમર્થન બદલ આભાર માનીએ છીએ.

ભારત સરકારે હુમલા અંગે ચિંતા વ્યક્ત કરી

વાણિજ્યિક શિપિંગ પર સતત હુમલાઓ અંગે ચિંતા વ્યક્ત કરતા, ભારતીય વિદેશ મંત્રાલયે તણાવમાં તાત્કાલિક ઘટાડો કરવા અને રાજદ્વારી ઉકેલ માટે ચાલી રહેલી વાતચીત પૂર્ણ કરવાની માંગ કરી છે. જેથી આ ક્ષેત્રમાં શાંતિ અને સ્થિરતા પાછી આવી શકે.નોંધનિય છે કે અમેરિકા અને ઇરાને સામ સામે હુમલા કર્યાં પછી દુનિયા માટે સ્થિતી ચિંતાજનક બની છે.