છેડતી કરનારને બે લાફા મારી લેજો, બાકીની જવાબદારી મારી: જૂનાગઢના ધારાસભ્યની ચીમકી

જૂનાગઢની એન.બી. કાંબલીયા કન્યા વિદ્યાલય ખાતે વિશેષ શાળા પ્રવેશોત્સવ અને કન્યા કેળવણી મહોત્સવના કાર્યક્રમનું આયોજન કરવામાં આવ્યું હતું. આ પ્રસંગે દીકરીઓને સંબોધતા ધારાસભ્ય સંજય કોરડીયાએ જણાવ્યું કે, આપણે ઊભા હોઈએ ને તો 5 ફૂટ પછી કોઈ આવે ને તો એને શોર્ટ લાગે, એવો શોર્ટ લાગવો જોઈએ. અને આવી તાકાત એક-એક દીકરીઓની અંદર હોવી જોઈએ. દીકરી પાસે કોઈ ઊભું રહે ને તો 5 ફૂટથી આગળ કોઈ ના આવી શકે એટલું ડિસ્ટન્સ રાખવું જ જોઈએ. 

દીકરીઓની સુરક્ષા માટે ધારાસભ્યે મંચ પરથી ગર્જના કરી હતી કે, તમને કોઈ હેરાન કરતું હોય, તો કોઈને કહેવાની જરૂર નથી, ત્યાં જ ઊભા રહીને બે મારી લેવાની, ગમે એ ચોક હોય, બાકીની જવાબદારી મારી છે. તેમણે સ્પષ્ટ કર્યું હતું કે, આપણી મંજૂરી વગર કોઈ પણ વ્યક્તિ પર્સનલ સ્પેસમાં ન આવવો જોઈએ અને દીકરીઓએ પોતાની સુરક્ષા માટે હવે અન્ય કોઈના ભરોસે બેસી રહેવાની બિલકુલ જરૂર નથી.