NEET પેપર લીક મુદ્દે ગુજરાતમાં રાજકારણ ગરમાયું: કોંગ્રેસ કાર્યાલય બહાર ભાજપ- કોંગ્રેસના કાર્યકરો સામ સામે

ભાજપના પ્રદેશ પ્રમુખ, હોદ્દેદારો અને કાર્યકરો પ્લે કાર્ડ સાથે કોંગ્રેસ કાર્યાલય બહાર પહોંચ્યાં હતા અને કોંગ્રેસ હાય હાય, રાહુલ ગાંધી હાય હાયના નારા લગાવી રસ્તા પર બેસી ગયા હતા. સામે કોંગ્રેસના કાર્યકરોએ પણ મોદી- શાહ હાય હાય જેવા નારા લગાવતા સ્થિતિ તંગ બની હતી. પરિસ્થિતિ વણસે નહીં તે માટે પોલીસે બેરિકેડ્સ મૂકી આખો વિસ્તાર કોર્ડન કરી લીધો હતો. JCP, DCP સહિત મોટો પોલીસ કાફલો તૈનાત કરાયો હતો અને ડ્રોન કેમેરાથી સમગ્ર વિસ્તાર પર નજર રાખવામાં આવી હતી.

ગુજરાત ભાજપ પ્રદેશ પ્રમુખ જગદીશ વિશ્વકર્માએ કહ્યું, કોંગ્રેસ દ્વારા વડાપ્રધાન નરેન્દ્ર મોદીના ઘર બહાર ધરણાનો કાર્યક્રમ કરવામાં આવ્યો તે સમગ્ર દેશની જનતાનું અપમાન છે. મોદી કોઈ એક પક્ષના કે દળના નેતા નથી, તેઓ 140 કરોડ જનતાના પ્રધાનમંત્રી છે. દેશના લોકોનું ગૌરવ વધે તેવા કામો કરીને ભાજપ સરકાર આગળ વધી રહી છે ત્યારે હારેલી કોંગ્રેસ નાટકો કરી રહી છે. આ પતન માટે જવાબદાર રાહુલ બાબા જ છે. દેશનો યુવા તેમને ક્યારેય માફ નહીં કરે. નીટ મુદ્દે ચર્ચા કરવાનું આમંત્રણ આપવામાં આવ્યું ત્યારે કોંગ્રેસ નેતા રાહુલ ગાંધી દેશની જનતાને ભ્રમિત કરે છે. રાહુલ ગાંધીએ સંવિધાનનું અપમાન કર્યું છે.

ગુજરાત કોંગ્રેસ પ્રદેશ પ્રમુખ અમિત ચાવડાએ ભાજપ સરકાર પર તીખા પ્રહારો કરતાં જણાવ્યું કે, ભાજપ શાસનમાં શિક્ષણ વ્યવસ્થા સંપૂર્ણ ભ્રષ્ટ થઈ ગઈ છે અને વારંવાર પેપરો લીક થઈ રહ્યાં છે. પેપર લીકના કારણે 20 વિદ્યાર્થીઓએ આત્મહત્યા કરી છે, છતાં સરકાર મૌન છે. રાહુલ ગાંધી અને પ્રિયંકા ગાંધી સાથે પોલીસ દ્વારા ગેરવર્તણૂંક કરવામાં આવી છે. કોંગ્રેસે શિક્ષણ મંત્રી ધર્મેન્દ્ર પ્રધાનના રાજીનામાની અને વિદ્યાર્થીઓ પર અત્યાચાર કરનારાઓ સામે કડક કાર્યવાહીની માંગ કરી છે.

ના દમનથી ડરીશું ,, ના લાઠી સામે ઝૂકીશું... pic.twitter.com/ag5l9Xt7N1

— Gujarat Congress (@INCGujarat)

ટ્વીટ જુઓ ↗