ક્યારે સુધરશો ? અમદાવાદની ભદ્ર કોર્ટના આસિસ્ટન્ટ ક્લાર્ક રૂ. 10,000 ની લાંચ લેતા ACB ના હાથે ઝડપાયા

ફરિયાદીના મકાન અને તેમની બાજુના મકાન વચ્ચે એક કોમન કમ્પાઉન્ડ દિવાલ આવેલી છે.આ દિવાલ ફરિયાદીના પાડોશીએ ગેરકાયદેસર રીતે દબાણ કરીને ઊભી કરી હોવાથી, ફરિયાદીએ તે તોડવા માટે નોટિસ આપી હતી. પાડોશીએ દિવાલ બચાવવા માટે ફરિયાદી વિરૂદ્ધ નામદાર સિટી સિવિલ એન્ડ સેશન્સ કોર્ટ, ભદ્ર ખાતે દાવો દાખલ કર્યો હતો, જેના પગલે ફરિયાદીના ઘરે કોર્ટ કમિશનની નોટિસ આવી હતી.

આ કેસમાં કોર્ટ કમિશનર તરીકે ફરજ બજાવતા આરોપી અશોક પટેલે ફરિયાદીની તરફેણમાં ચૂકાદો અપાવવાના બદલામાં રૂ. 10,000 ની લાંચની માંગણી કરી હતી. ફરિયાદી આ ગેરકાયદેસર લાંચના નાણાં આપવા માંગતા ન હોવાથી તેમણે અમદાવાદ શહેર ACBનો સંપર્ક કરીને ફરિયાદ નોંધાવી હતી.

ફરિયાદને આધારે એસીબીની ટીમે નારણપુરા વિસ્તારમાં લાંચના છટકાનું આયોજન કર્યું હતું. આરોપી અશોક પટેલ ફરિયાદી પાસેથી લાંચની રકમ રૂ. 10,000  સ્વીકારતા જ સ્થળ પર રંગે હાથ પકડાઈ ગયા હતા. 

અપીલ વિભાગ, સિટી સેશન્સ કોર્ટ, ભદ્ર, અમદાવાદ ખાતે ફરજ બજાવતા આસીસટન્ટ કલાર્ક અશોકભાઇ માધવલાલ પટેલ રૂ.૧૦,૦૦૦/- ની લાંચ લેતા ઝડપાયા.@sanghaviharsh @PIYUSH_270871 @DeepakMeghani@InfoGujarat @HARESHM38109376@BaldevD11469478 #ACBGujarat #Gujarat #FightAgainstCorruption pic.twitter.com/omcOYtVDF0

— ACB Gujarat (@ACBGujarat)

ટ્રેપ કરનાર અધિકારીઓની યાદી

ટ્રેપીંગ અધિકારી: પો.ઇન્સ. કે.એન.સોલંકી (અમદાવાદ શહેર એ.સી.બી. પોલીસ સ્ટેશન તથા સ્ટાફ)

સુપર વિઝન અધિકારી: એમ.એચ.પુવાર (મદદનિશ નિયામક, એ.સી.બી. અમદાવાદ એકમ)

ઇન્ચાર્જ અધિકારી: હરેશ મેવાડા (નાયબ નિયામક, એ.સી.બી, અમદાવાદ) 

ટ્વીટ જુઓ ↗