- કોર્ટ પરિષર પોલીસ છાવણીમાં ફેરવાયું
- યુવકે તેની પાર્ટનરની કસ્ટડી માંગી હતી અને કોર્ટને જણાવ્યું હતું કે તેઓ લગ્ન કરવા ઈચ્છે છે
અમદાવાદ: શહેરની ઘી કાંટા કોર્ટમાં આંતરધર્મીય લગ્નના રજિસ્ટ્રેશનને લઈને ભારે તંગદિલી સર્જાઈ હતી. એક હિન્દુ યુવતી અને મુસ્લિમ યુવકના લગ્નની પ્રક્રિયા સામે વિશ્વ હિન્દુ પરિષદના કાર્યકરોએ ઉગ્ર વિરોધ પ્રદર્શન કરતા કોર્ટ પરિષરમાં કોઈ અયોગ્ય ઘટના ન બને તે માટે પોલીસ દ્વારા વિશેષ તકેદારી રાખવામાં આવી હતી, પોલીસે કોર્ટના દરવાજા પર કડક પહેરો રાખ્યો હતો. હાલમાં આ આંતરધર્મીય લગ્ન પ્રક્રિયા અટકી પડી છે, આગામી દિવસોમાં આ મામલો વધુ ગરમાય તેવી શક્યતાઓ છે.
