અમદાવાદ પ્લેન ક્રેશઃ પાઇલોટ એસોસિએશનનો દાવો છે કે વિમાન દુર્ઘટનાનું કારણ ઇલેક્ટ્રિકલ નિષ્ફળતા હતી

FIP દાવાઓ માહિતી જાણી જોઈને છુપાવવામાં આવી હતી

FIP પ્રમુખ કેપ્ટન સીએસ રંધાવાએ દાવો કર્યો કે તપાસકર્તાઓએ મહત્વપૂર્ણ ટેકનિકલ પુરાવાઓને અવગણ્યા છે, અકસ્માત અંગેના સત્તાવાર વચગાળાના અહેવાલમાં દાવો કરવામાં આવ્યો હતો કે ફ્લાઇટ ક્રૂએ પૂર્વયોજિત આત્મહત્યા યોજનાના ભાગ રૂપે ઇરાદાપૂર્વક એન્જિનનો ઇંધણ પુરવઠો બંધ કરી દીધો હતો.

સિમ્યુલેટર પરીક્ષણોમાં FIP ને અલગ પરિણામો છે

સરકારી તપાસકર્તાઓના જણાવ્યાં મુજબ, મેન્યુઅલ બંધ થવાને કારણે વિમાનનું રેમ એર ટર્બાઇન બરાબર ચાર સેકન્ડ પછી કાર્યરત થયું હતુ. રેમ એર ટર્બાઇન એક બેકઅપ પાવર સિસ્ટમ છે જે સંપૂર્ણ પાવર નિષ્ફળતા દરમિયાન સક્રિય થાય છે. રંધાવાએ જણાવ્યું કે FIP એ તાજેતરમાં તે ફ્લાઇટના વજન, સંતુલન અને હવામાન પરિસ્થિતિઓ અંગે વિગતવાર સિમ્યુલેટર પરીક્ષણો હાથ ધર્યા હતા. જેને પરિણામો પણ અલગ છે. 

અમારા સિમ્યુલેટર પરીક્ષણો સાબિત કરે છે કે જ્યારે બળતણને મેન્યુઅલી બંધ કરવામાં આવે છે ત્યારે બેકઅપ ટર્બાઇનને સ્પિન ડાઉન થવામાં સંપૂર્ણ 18 સેકન્ડ લાગે છે. મેન્યુઅલ શટડાઉન માટે સત્તાવાર ચાર-સેકન્ડની સમયરેખા અશક્ય છે.

શું વિમાનમાં મોટી ઇલેક્ટ્રીકલ નિષ્ફળતા આવી હતી ?

એન્જિન બંધ થાય તે પહેલાં જ મોટી ઇલેક્ટ્રીકલ નિષ્ફળતાએ વિમાનને ક્રેશ કરી દીધું હતુ, આ સિસ્ટમની ખામીને કારણે એન્જિનની સ્વીચો ટ્રિપ થઈ ગઇ હતી. અને આખરે વિમાન ક્રેશ થઇ ગયું હતું. ફ્લાઇટ 171 ના એકમાત્ર બચી ગયેલા વ્યક્તિએ કૂદતા પહેલા કેબિનની લાઇટ ઝબકતી અને ઝાંખી થતી હોવાની વાત કરી હતી. આ માહિતી અચાનક વીજળી ગુલ થવાના FIPની થિયરી સાથે મેળ ખાય છે.

પાઇલોટની આત્મહત્યાની થિયરી અંગે પ્રશ્નો ઉભા થયા છે 

પાઇલટ્સ ફેડરેશનએ જણાવ્યું કે ક્રેશ થયેલા વિમાનમાં તે જીવલેણ ઉડાન પહેલા વણઉકેલાયેલી ઇલેક્ટ્રિકલ સમસ્યાઓનો રેકોર્ડ હતો. સરકારી તપાસકર્તાઓએ જાણી જોઈને કેપ્ટન આરએસ સંધુ - જે ભારતના અગ્રણી બોઇંગ 787 નિષ્ણાંત માનવામાં આવે છે તેમને તપાસથી દૂર રાખ્યા હતા.

બોઇંગ અને સરકારી ઉડ્ડયન સત્તામંડળને સિમ્યુલેટર ડેટા સોંપવામાં આવ્યો

FIP એ પુષ્ટિ કરી છે કે તેણે બોઇંગ અને સરકારી ઉડ્ડયન સત્તામંડળ બંનેને તેના સિમ્યુલેટર ડેટા અને તારણો સોંપી દીધા છે. ફેડરેશન ટર્બાઇન ડિપ્લોયમેન્ટ સંબંધિત ગડબડની સંપૂર્ણ તપાસ ન થાય ત્યાં સુધી દુર્ઘટનાનો અંતિમ રિપોર્ટ તાત્કાલિક રોકવાની માંગ કરી છે. FIP એ ડેટાની પારદર્શક અને નિષ્પક્ષ સમીક્ષા સુનિશ્ચિત કરવા માટે કેપ્ટન સંધુને તપાસ ટીમમાં પાછા લેવાની માંગ કરી છે.