ચાંદખેડાની હોટલમાં પ્રેમી પંખીડાએ ગળેફાંસો ખાધો, જાણો- કોણ હતા આ યુવક-યુવતી ?

કોણ હતા આ યુવક-યુવતી ?

પોલીસની પ્રાથમિક તપાસની માહિતી મુજબ, આપઘાત કરનાર બંને યુવક-યુવતી પંચમહાલ જિલ્લાના સંતરામપુરના વતની હતા. મૃતક યુવકની ઓળખ 21 વર્ષીય જયદીપકુમાર પટેલિયા અને યુવતીની ઓળખ 20 વર્ષીય નીતાબેન ડામોર તરીકે થઈ છે. મૃતક નીતાબેન અમદાવાદમાં જ રહીને નર્સિંગનો અભ્યાસ કરતા હતા.  

હોટલના સ્ટાફે લાંબા સમય સુધી બંધ રહેલા તેમના રૂમનો દરવાજો ખખડાવ્યો હતો. અંદરથી કોઈ જ પ્રતિક્રિયા કે અવાજ ન આવતાં હોટલના મેનેજરને જાણ કરવામાં આવી હતી. મેનેજરની હાજરીમાં જ્યારે રૂમનો દરવાજો ખોલવામાં આવ્યો, ત્યારે રૂમમાં પંખા સાથે દોરડું બાંધીને બંને પ્રેમી પંખીડા ગળેફાંસો ખાધેલી હાલતમાં લટકતા જોવા મળ્યા હતા.

આ ઘટનાની હોટલના સ્ટાફે ચાંદખેડા પોલીસને જાણ કરતા પોલીસ ઘટના સ્થળે પહોંચીને બંનેના મૃતદેહોને નીચે ઉતારીને પોસ્ટમોર્ટમ માટે હોસ્પિટલ ખસેડ્યાં હતા. તપાસમાં મૃતક યુવક-યુવતી પાસેથી કોઈ પણ પ્રકારની સ્યૂસાઇડ નોટ મળી નથી. તેમને કયા કારણસર પોતાનું જીવન ટૂંકાવ્યું તે હજુ અકબંધ છે. ચાંદખેડા પોલીસે વધુ તપાસ હાથ ધરી છે.