ગુજરાતમાં આજથી ફરી મેઘમહેર: 13 ઓગસ્ટ સુધી ભારે વરસાદની અંબાલાલ પટેલની આગાહી

અંબાલાલે કહ્યું 13 ઓગસ્ટ સુધી મહીસાગર, પંચમહાલ, દાહોદ, છોટાઉદેપુર, અરવલ્લી, બનાસકાંઠા, પાટણ, અમદાવાદ, ગાંધીનગર તેમજ દક્ષિણ ગુજરાત અને સૌરાષ્ટ્રના વિસ્તારોમાં વરસાદની શક્યતા છે. 13 - 14 ઓગસ્ટ બંગાળના ઉપસાગરમાં લો-પ્રેશર સિસ્ટમ સર્જાશે, જેની અસર પૂર્વ ભારતમાં જોવા મળશે.

14 - 15 ઓગસ્ટ વાતાવરણમાં ઉઘાડ નીકળવાની સંભાવના છે. 17, 18 અને 19 ઓગસ્ટ હવામાનમાં ફરી પલટો આવશે અને વિવિધ ભાગોમાં વરસાદી ઝાપટાં પડશે. 22 અને 23 ઓગસ્ટ રાજ્યના કેટલાક વિસ્તારોમાં હળવાથી મધ્યમ ઝાપટાંની શક્યતા છે.

25 થી 28 ઓગસ્ટ દરમિયાન દક્ષિણ ગુજરાતમાં વરસાદી ઝાપટાંનું પ્રમાણ વધશે. 31 ઓગસ્ટે 'પૂર્વા ફાલ્ગુની' નક્ષત્ર બેસવાને કારણે ચોમાસુ જોર પકડશે.

અંબાલાલ પટેલના જણાવ્યા અનુસાર, ઓગસ્ટ બાદ સપ્ટેમ્બર મહિનામાં પણ રાજ્યના હવામાનમાં મોટો પલટો આવશે. સપ્ટેમ્બરના પ્રારંભિક દિવસોમાં પણ ગુજરાતના ઘણા ભાગોમાં ભારે વરસાદી માહોલ જોવા મળી શકે છે.