Gujaratpost Fact Check: સોશિયલ મીડિયા પર ફેન્સરની એક તસવીર શેર કરવામાં આવી રહી છે અને દાવો કરવામાં આવી રહ્યો છે કે તે એક ભારતીય ઓલિમ્પિયન છે, જેણે 7 મહિનાની ગર્ભવતી હોવા છતાં ગોલ્ડ મેડલ જીત્યો છે.
અમારી તપાસ શરૂ કરીને, અમે પહેલા આ તસ્વીરની રિવર્સ ઇમેજ સર્ચ કરી. અમને અનેક અહેવાલો પ્રાપ્ત થયા છે જે મુજબ ફોટામાં દેખાતી મહિલા નાડા હાફેઝ છે, જે ઇજિપ્તની ફેન્સર છે.
અહેવાલો અનુસાર જ્યારે તેણે 2024 પેરિસ ઓલિમ્પિકમાં ભાગ લીધો હતો, ત્યારે તે 7 મહિનાની ગર્ભવતી હતી. અમને આ બાબતે 29 જુલાઈ 2024 ના રોજ નાડા હાફીઝની ઇન્સ્ટાગ્રામ પોસ્ટ પણ મળી હતી. નાડાએ 14 ઓક્ટોબર 2024ના રોજ એક પોસ્ટમાં પોતાની પુત્રીના જન્મની માહિતી પણ આપી હતી.
ઓલિમ્પિકની વેબસાઈટ તપાસવા પર અમને ખબર પડી કે નાડા હાફીઝે 2024માં ઓલિમ્પિકની કોઈપણ કેટેગરીમાં કોઈ મેડલ જીત્યો નથી.
