ACB નું ઓપરેશન, અમદાવાદ સ્ટેટ GST વિભાગના બે અધિકારીઓ આટલા રૂપિયાની લાંચ લેતા ઝડપાયા

ગુનાનું સ્થળ : સહાયક રાજ્ય વેરા કમિશનરની કચેરી, ઘટક-6, બહુમાળી બિલ્ડીંગ, લાલ દરવાજા

ફરીયાદી એર કોમ્પ્રેસરનુ સેલ્સ અને સર્વીસ કરવાનું કામ કરે છે અને નિયમિત પણે કંપનીનુ ત્રિમાસીક જી.એસ.ટી રીટર્ન પણ ફાઇલ કરતા હતા.  પરંતુ તેઓના વ્યવસાયની આર્થિક તંગીને કારણોસર તેઓ એક ત્રિમાસિક જીએસટી રિટર્ન ભરી શક્યા ન હતા, જેથી સહાયક રાજ્ય વેરા કમિશનરની કચેરી, ઘટક-6, બહુમાળી બિલ્ડીંગ, લાલ દરવાજા, અમદાવાદ તરફથી ફરીયાદીના કંપનીના તેમજ સેવીંગ બેન્ક એકાઉન્ટ ફ્રીઝ કરી દેવામાં આવેલા, જેથી આ કામના ફરીયાદી સરકારી કચેરી ખાતે ગયા હતા અને બેંક એકાન્ટ ખોલવા વિનંતી કરી હતી.

આરોપી અધિકારીઓએ આ કામ કરવા માટે 25 હજાર રૂપિયાની લાંચ માંગી હતી, ફરિયાદી લાંચ આપવા માંગતા ન હોવાથી તેમને એસીબીમાં ફરિયાદ આપી હતી, જેને આધારે ગોઠવાયેલા લાંચના છટકામાં અધિકારીઓ આવી ગયા હતા, એસીબીએ બંનેને ઝડપીને વધુ કાયદાકીય કાર્યવાહી શરૂ કરી છે.

ટ્રેપીંગ અધિકારી: એ.આર.પ્રજાપતિ, પોલીસ ઇન્સ્પેકટર, ખેડા એ.સી.બી. પો.સ્ટે., નડીયાદ તથા ટીમ 

સુપરવિઝન અધિકારીઃ  એમ.એચ.પુવાર, મદદનીશ નિયામક, એ.સી.બી., અમદાવાદ એકમ

ઇન્ચાર્જ અધિકારી: હરેશ મેવાડા, નાયબ નિયામક, એ.સી.બી. અમદાવાદ