અમદાવાદના બોપલ- શેલામાં પૂર જેવી સ્થિતિ: CM ભૂપેન્દ્ર પટેલ સ્થળ પર પહોંચ્યાં

થલતેજ, બોપલ, આંબલી અને શેલા સહિતના વિસ્તારોમાં છાતીસમા પાણી ભરાયા છે. સતત બીજા દિવસે પણ વરસાદી માહોલ રહેતા પાણી ન ઓસરવાથી આખરે રાહત અને બચાવ કામગીરી માટે આર્મીને મેદાનમાં ઉતારવામાં આવી છે.

કર્ણાવતી ક્લબ પાછળ આવેલા કરોડો રૂપિયાના બંગલાઓમાં પણ પાણી ભરાઈ ગયા હતા. ગઈકાલથી ફસાયેલા લોકોને સેનાની ટુકડીઓએ બોટની મદદથી સલામત રીતે બહાર કાઢ્યા હતા. આનંદનગર વિસ્તારમાં ભારે વરસાદને કારણે એક સોસાયટીની દીવાલ ધરાશાયી થઈ હતી. કોઈ અણબનાવ ન બને તે માટે સેફ્ટીના ભાગરૂપે તાત્કાલિક 16 ફ્લેટ ખાલી કરાવવામાં આવ્યાં છે.