રાજ્યમાં સાંજે 6 વાગ્યા સુધીમાં 99 તાલુકાઓમાં વરસાદ, પંચમહાલના શહેરામાં 5.35 ઇંચ

ગોધરમાં  1.73 ઇંચ, સુખસરમાં 1.57 ઇંચ, કપડવંજમાં 1.46 ઇંચ, સંજેલીમાં 1.38 ઇંચ, કલોલમાં 1.34 ઇંચ,  ગાંધીનગરમાં 1.30 ઇંચ, ગોવિંદ ગુરુ લીંબડીમાં 1.18 ઇંચ, મોરવા (હડફ)માં 1.10 ઇંચ વરસાદ નોંધાયો હતો. જ્યારે બાકીના 84 તાલુકામાં એક ઇંચથી ઓછો વરસાદ પડ્યો હતો.

મહીસાગર જિલ્લાના લુણાવાડા, વીરપુર અને બાલાસિનોરમાં સતત બીજા દિવસે ધોધમાર વરસાદ વરસી રહ્યો છે, જેના કારણે નદી-નાળાઓમાં પાણી આવી ગયા હતા.

લુણાવાડાના સુવા ગામે કોતરના પાણી ગામમાં ફરી વળતાં સંપર્ક વિહોણું બન્યું છે અને નાયક ફળિયામાં અંદાજે 8 જેટલા મકાનો પાણીમાં ગરકાવ થઈ ગયા છે. સ્થિતિ ગંભીર બનતાં વહીવટી અને ફાયર ટીમે 25 થી 30 લોકોને સુરક્ષિત સ્થળે ખસેડ્યા. ઉપરાંત, સ્થાનિક આયુર્વેદિક વૈદ્ય પાસે દવા લેવા આવેલા વડોદરા અને ઉમરગામના 100 જેટલા દર્દીઓ પણ રસ્તા બંધ થતાં ગામમાં ફસાઈ ગયા છે.

મહીસાગર જિલ્લામાં ભારે વરસાદના કારણે અનેક નદીઓ અને નાળાઓમાં નવા નીરની આવક થઈ છે. લુણાવાડા તાલુકાના સુવા ગામે કોતર ઓવરફ્લો થતાં પાણી માર્ગો પર ફરી વળ્યા છે, જેના કારણે ગામનો સંપર્ક પ્રભાવિત થયો છે.