હળવદ નજીક રોડ અકસ્માતમાં તાલુકા પંચાયત સભ્ય સહિત 5 લોકોનાં મોત

રણછોડગઢ ગામના 7 લોકો કારમાં મુસાફરી કરી રહ્યા હતા. દરમિયાન ચરાડવા ગામ નજીક તેમની કાર આગળ જઈ રહેલા ડમ્પર સાથે જોરદાર રીતે અથડાઈ હતી. અકસ્માત એટલો ભયાનક હતો કે 3 લોકોના ઘટના સ્થળે જ મોત નિપજ્યાં હતા, જ્યારે ગંભીર રીતે ઘાયલ બનેલા 2 અન્ય વ્યક્તિઓના સારવાર વખતે મોત થયા હતા.

અકસ્માતમાં હળવદ તાલુકા પંચાયતના સભ્ય અને આમ આદમી પાર્ટીના નેતા પ્રેમજીભાઈ શંકરભાઈ ડઢેયાનું પણ મોત થયું છે. બીજા મૃતકોમાં 
સુરેશ વિસાભાઈ સિહોરા (ઉંમર 45 વર્ષ), વિરમ ભીમાભાઈ ડઢેયા (ઉંમર 28 વર્ષ), પરેશ દિલીપભાઈ ડઢેયા (ઉંમર 24), પ્રેમજીભાઈ શંકરભાઈ ડઢેયા અને ભરતભાઈ પ્રેમજીભાઈ ડઢેયાનો સમાવેશ થાય છે.