આગામી 3 કલાક આ જિલ્લાઓમાં ભારે વરસાદની આગાહી, હવામાન વિભાગે જાહેર કર્યું ઓરેન્જ એલર્ટ

હવામાન વિભાગે આગામી 3 કલાક માટે અમદાવાદ, ખેડા અને મહીસાગરમાં ઓરેન્જ એલર્ટ જાહેર કર્યું છે. હવામાન વિભાગ દ્વારા ગુજરાતના કેટલાક ભાગો માટે વરસાદનું એલર્ટ આપવામાં આવ્યું છે.

સાબરકાંઠા બનાસકાંઠા મહેસાણા પાટણ વાવ થરાદ વડોદરા આણંદ ભરૂચ સુરત નવસારી વલસાડ ડાંગ અરવલ્લી ભાવનગર બોટાદ સુરેન્દ્રનગર પંચમહાલ દાહોદ ગાંધીનગર છોટાઉદેપુર નર્મદામાં યલો એલર્ટ જાહેર કરાયું છે.

વરસાદની આ સિસ્ટમ દરમિયાન વિવિધ વિસ્તારોમાં 30થી 40 કિમી પ્રતિ કલાકની ઝડપે પવન ફૂંકાવાની શક્યતા છે. 12થી 16 ઓગસ્ટ દરમિયાન અરવલ્લી, ખેડા, પંચમહાલ, દાહોદ, વડોદરા, છોટા ઉદેપુર, નર્મદા જિલ્લાના ઘણા સ્થળોએ હળવોથી મધ્યમ વરસાદની આગાહી કરવામાં આવી છે.