સ્ટેટ જીએસટી વિભાગને મોટી સફળતા, 11 નકલી પેઢીઓથી ચાલતા બોગસ બિલિંગમાં અજયકુમાર શાહની ધરપકડ

બોગસ ITC કૌભાંડના કેસમાં 11 પેઢીઓના નામો સામે આવ્યાં છે. માલની વાસ્તવિક હેરફેરી કર્યા વગર માત્ર કાગળ પર ઇન્વોઇસ બનાવીને કરચોરી કરાતી હોવાનું સામે આવ્યું છે. આ કેસમાં અંદાજે 21.49 કરોડ રૂપિયાની આઇટીસી લઇ લેવામાં આવી છે.

સર્ચ ઓપરેશન દરમિયાન GST વિભાગે આ પેઢીઓનાં દસ્તાવેજો, કોમ્પ્યુટર અને અન્ય ડિજિટલ ઉપકરણો જપ્ત કર્યા હતા અને આ કેસમાં હજુ અન્ય કોઇ લોકોની સંડોવણી છે કે નહીં તે દિશામાં તપાસ હાથ ધરી છે.