વિદેશમાં વધુ એક ગુજરાતીની હત્યા, બોરસદની વિધી નામની વિદ્યાર્થીનીની કેનેડામાં ચાકૂ મારીને હત્યા

નાયગ્રા વિસ્તારમાં રહેલી વિધી કલ્પેશ મેઘા અભ્યાસની સાથે નોકરી કરતી હતી, અને પીઆર માટે તે તૈયારીઓ કરતી હતી. તે ચાર વર્ષથી કનેડામાં રહેતી હતી.

ગત 15 મેના રોજ વિધી પોતાના ઘરેથી બહાર ગઈ હતી, અમેરિકન બોર્ડરની નજીક આવેલા વિસ્તારમાં અજાણ્યા શખ્સો દ્વારા તેના પર ચાકૂ વડે હુમલો કરવામાં આવ્યો હતો, જેમાં ગંભીર ઈજાઓ થવાના કારણે તેનું મોત નીપજ્યું હતું.

ઘટનાની જાણ થતાં જ કેનેડાની પોલીસ ઘટના સ્થળે પહોંચી ગઈ હતી. પોલીસે હત્યાનો ગુનો નોંધીને આગળની કાયદેસરની તપાસ હાથ ધરી છે. વિધી પર હુમલો કરનાર કોણ હતા અને હત્યા પાછળનો હેતુ શું હતો, તે દિશામાં પોલીસે ચક્રો ગતિમાન કર્યા છે. બીજી તરફ બોરસદમાં રહેતો મૃતકનો પરિવાર આઘાતમાં છે અને આ કેસમાં આરોપીઓને કડક સજા થાય તેવી માંગ કરવામાં આવી છે.