અમદાવાદ વિમાન દુર્ઘટનાને એક વર્ષ પૂર્ણ, 260 લોકોનાં મોત અંગે AAIB ના અંતિમ રિપોર્ટની હજુ પણ રાહ જોવાઈ રહી છે

અમદાવાદથી ઉડાન ભર્યાના થોડા સમય પછી એર ઇન્ડિયાનું બોઇંગ 747-8 ડ્રીમલાઇનર ક્રેશ થયું હતુ, તે છેલ્લા દાયકામાં વિશ્વની સૌથી ભયંકર હવાઈ દુર્ઘટના હતી, જેમાં આશરે 260 લોકોના મોત થયા હતા. હજુ પણ પરિવારો આ ભયાનક ઘટનાને ભૂલી શકતા નથી.

કંઈ છુપાવવામાં આવશે નહીં

સરકાર કહી રહી છે કે કંઈ છુપાવવામાં આવશે નહીં. બધી માહિતી જાહેર કરવામાં આવશે. તપાસ અંગેના કેટલાક આંતરરાષ્ટ્રીય મીડિયા અહેવાલોને પણ ફગાવી દીધા હતા, અને કહ્યું હતું કે કેટલીક અટકળો પાયાવિહોણી છે. GE એરોસ્પેસ દ્વારા કોઈ વાંધો ઉઠાવવામાં આવ્યો નથી, જેના એન્જિન તપાસનો મહત્વપૂર્ણ ભાગ છે.

તપાસનું નિરીક્ષણ કરી રહેલા અન્ય એક વરિષ્ઠ અધિકારીએ જણાવ્યું હતું કે નાગરિક ઉડ્ડયન મંત્રાલય તપાસની પ્રગતિની સતત સમીક્ષા કરી રહ્યું છે. વરિષ્ઠ અધિકારીઓને નવા તારણો અને અંતિમ અહેવાલની તૈયારીની સ્થિતિ વિશે અપડેટ રાખવામાં આવી રહ્યા છે. મંત્રાલયે તપાસમાંથી બહાર આવતી કોઈપણ આંતરિક માહિતી અથવા સંવેદનશીલ વિગતોથી સ્પષ્ટપણે પોતાને દૂર રાખ્યું છે.

AAIB અંતિમ અહેવાલ જાહેર કરતા પહેલા સ્ટેટસ રિપોર્ટ જારી કરવાનું વિચારી શકે છે. આંતરરાષ્ટ્રીય નાગરિક ઉડ્ડયન સંગઠન (ICAO) ના નિયમો હેઠળ, તપાસકર્તાઓ આવી વચગાળાની માહિતી જાહેર કરવા માટે કોઈ આંતરરાષ્ટ્રીય બંધન હેઠળ નથી.