બનાસકાંઠાના ભીલડીમાં ખેડૂતો- મહિલાઓ સાથે PM મોદીનો સંવાદઃ લાખો ખેડૂતોના બેંક ખાતામાં 2-2 હજાર રૂપિયા ટ્રાન્સફર થયા

બનાસકાંઠાઃ વડાપ્રધાન નરેન્દ્ર મોદી આજે ગુજરાત પ્રવાસે છે, તેઓ બનાસકાંઠાના ભીલડી પહોંચ્યાં હતા, જ્યાં BBBRC સેન્ટરનું ઉદ્ઘઘાટન કર્યા બાદ તેમણે ET-IVF લેબનું લોકાર્પણ કર્યું હતું. સેન્ટરની મુલાકાત વખતે મોદીએ વાછરડાઓને દૂધ પીવડાવ્યું હતું. રોડ-શો પૂર્ણ કરીને તેઓ સભા સ્થળે પહોંચ્યાં હતા, જ્યાં ખેડૂતો અને મહિલાઓ સાથે સંવાદ કર્યો હતો.

તેમની સાથે સીએમ ભૂપેન્દ્ર પટેલ, નાયબ સીએમ હર્ષ સંઘવી, વિધાનસભાના અધ્યક્ષ અને બનાસ ડેરીના ચેરમેન શંકર ચૌધરીએ હાજર હતા, શંકર ચૌધરીએ કહ્યું કે અહીં વડાપ્રધાન આવ્યાં એટલે બનાસમાં દિવાળી આવી. 

મુખ્યમંત્રી ભૂપેન્દ્ર પટેલે સંબોધનમાં જણાવ્યું કે, વડાપ્રધાન નરેન્દ્ર મોદીએ દેશના કરોડો લોકોમાં વિકાસનો વિશ્વાસ જગાવ્યો છે. ભીલડીમાં આયોજિત કાર્યક્રમ દરમિયાન તેમણે વડાપ્રધાનના નેતૃત્વ અને વિકાસ કાર્યોનો ઉલ્લેખ કર્યો હતો.