Us નકલી કોલ સેન્ટર કેસઃ ED એ અમદાવાદના ઇરફાનની ધરપકડ કરી, હજુ અનેક માફિયાઓ સામે સકંજાની તૈયારીઓ

અમદાવાદઃ રાતો રાત કરોડપતિ બનેલા અનેક નકલી કોલ સેન્ટર માફિયાઓ સામે એજન્સીએ મોટું ઓપરેશન શરૂ કર્યું છે, હવે એન્ફોર્સમેન્ટ ડિરેક્ટરોટે અમદાવાદના ઇરફાન નામના શખ્સની ધરપકડ કરી લીધી છે, હૈદરાબાદ ઇડીની ટીમે તેની પૂછપરછ બાદ ધરપકડ કરી છે.

આ એ જ ઇરફાન છે, જેની સામે વર્ષ 2023 થી નકલી કોલ સેન્ટર કેસમાં તપાસ થઇ રહી હતી, વિકાસ કુમાર નિમાર ઉર્ફે મીસ્ટી અને તેના પિતાની ધરપકડ બાદ હવે નકલી કોલ સેન્ટર કેસમાં અમદાવાદના વધુ એક શખ્સની ધરપકડ કરાઇ છે.

આ માફિયાઓની ગેંગ નકલી કોલ સેન્ટર ચલાવતી હતી, તેઓ અહી બેસીને અમેરિકાના લોકોને કોલ કરતા હતા અને કોઇને કોઇ લાલચ અને ધમકીઓ આપીને તેમની પાસેથી ડોલર પડાવતા હતા, આ કેસમાં અમેરિકી એજન્સી એફબીઆઇ પણ સક્રિય છે, હજારો લોકો પાસેથી ડોલરની લૂંટ ચલાવવાના છેતરપિંડીના કેસમાં ઇડી પણ સક્રિય છે.

ઇરફાને કરોડો રૂપિયાની છેતરપિંડી કરીને મોટી સંપત્તિ વસાવી હોવાનું પણ ઇડીના ધ્યાનમાં આવ્યું છે, ઇરફાન સાથે જોડાયેલા અન્ય લોકોની સામે પણ ટૂંક સમયમાં કાર્યવાહીની શક્યતા છે.

અમેરિકન નાગરિકો સામે સાયબર છેતરપિંડી અને મની લોન્ડરિંગના કેસમાં કાર્યવાહી 

હજુ આ ગેંગ સાથે જોડાયેલા અનેક શખ્સોની શોધખોળ

વર્ષ 2023 ના નકલી કોલ સેન્ટર કેસમાં માસ્ટરમાઇન્ડ વિકાસ કુમાર નિમાર ઉર્ફે મીસ્ટીની અને તેના પિતાની પહેલા જ ધરપકડ કરાઇ હતી. અને હવે નકલી કોલ સેન્ટરના આ કેસમાં વધુ એક ધરપકડ કરાઇ છે. હૈદરાબાદ ઇડી ઓફિસે આ કાર્યવાહી કરી છે અને હજુ કેટલાક આરોપીઓ સામે કાર્યવાહીની શક્યતા છે, અમેરિકન નાગરિકો સાથે કરોડો રૂપિયાની સાયબર છેતરપિંડીના કેસમાં આ કાર્યવાહી કરાઇ છે.

શું હતો આ સમગ્ર કેસ ?
 
આ ગેંગ હૈદરાબાદમાં નકલી કોલ સેન્ટર ચલાવતી હતી અને તેમની ટીમ અમેરિકન નાગરિકોને ફોન કરીને ખોટી રીતે ડોલર પડાવતી હતી. ED એ 2023 માં હૈદરાબાદના માધાપુર પોલીસ સ્ટેશનમાં નોંધાયેલી FIR ને આધારે પ્રિવેન્શન ઓફ મની લોન્ડરિંગ એક્ટ (PMLA) હેઠળ તપાસ શરૂ કરી હતી. તપાસ દરમિયાન, એજન્સી દ્વારા શંકાસ્પદ અનેક બેંક ખાતાઓ, વિદેશી ભંડોળ ટ્રાન્સફર અને નાણાંકીય વ્યવહારોનું વિશ્લેષણ કરાતા આ કરોડો રૂપિયાનું કૌભાંડ સામે આવ્યું હતુ. આ કેસમાં હજુ પણ ફરાર આરોપીઓની એજન્સી શોધખોળ કરી રહી છે. સાથે જ કરોડો રૂપિયાની સંપત્તિ જપ્ત કરવામાં આવશે.