નિરમા યુનિવર્સિટી નજીક યુવકે ભર્યું ભયાનક પગલું, 32 માં માળે ક્રેન સાથે લટકીને કરી આત્મહત્યા

અહેવાલો અનુસાર નિર્માણાધીન ઇમારતમાં કામ કરતા આ મજૂરે બુધવારે સવારે ક્રેન પર યુવાનનો મૃતદેહ લટકતો જોયો હતો અને તરત જ પ્રોજેક્ટ એન્જિનિયરને જાણ કરી હતી. ઘટનાની માહિતી મળતા, સોલા પોલીસ ઘટના સ્થળે પહોંચીને ક્રેન પરથી મૃતદેહ નીચે ઉતારીને પોસ્ટમોર્ટમ માટે હોસ્પિટલમાં મોકલ્યો હતો.

સોલા પોલીસ સ્ટેશનના જણાવ્યાં અનુસાર, પ્રારંભિક તપાસમાં આ મામલો આત્મહત્યાનો હોવાનું જણાય છે. જો કે, યુવાનના આ પગલા પાછળનું કારણ હજુ સુધી બહાર આવ્યું નથી. પોલીસને ઘટના સ્થળેથી એવી કોઈ વધુ માહિતી મળી નથી.

નિર્માણાધીન ઇમારતમાં કામ કરતા કામદારો અને અન્ય કર્મચારીઓની પૂછપરછ કરવામાં આવી રહી છે. પોલીસ એ નક્કી કરવાનો પ્રયાસ કરી રહી છે કે ઘટના પહેલા પ્રીતમ સિંહે કોની સાથે વાતચીત કરી હતી.