ડીસા રેલવે સ્ટેશનના ચીફ બુકિંગ ક્લાર્ક તત્કાલ ટિકિટના નામે રૂ. 500 ની લાંચ લેતા ACB ની જાળમાં સપડાયા

એક જાગૃત નાગરિક ડીસા રેલવે સ્ટેશન પર દિલ્હી જવાની તત્કાલ ટિકિટનું રિઝર્વેશન કરાવવા ગયા હતા. તે દરમિયાન ત્યાં ફરજ બજાવતા વર્ગ-3 ના ચીફ બુકિંગ ક્લાર્ક સુરેશકુમાર રામુજી સોલંકીએ તત્કાલ ટિકિટ બુક કરી આપવાના અવેજ પેટે 500 રૂપિયા લાંચ પેટે માગ્યા હતા.

ફરિયાદી લાંચ આપવા માંગતા ન હોવાથી તેમણે તાત્કાલિક એસીબીના ટોલ ફ્રી નંબર 1064 પર સંપર્ક કરી બનાસકાંઠા એસીબી પોલીસ સ્ટેશન (પાલનપુર) ખાતે ફરિયાદ નોંધાવી હતી. ફરિયાદને આધારે ગોઠવાયેલા લાંચના છટકામાં આરોપી સુરેશકુમાર સોલંકી ડીસા રેલવે સ્ટેશનની બુકિંગ ઓફિસ ખાતે ફરિયાદી પાસેથી રૂ. 500ની લાંચ સ્વીકારતા જ સ્થળ પર પકડાઈ ગયો હતો.

ટોલ ફ્રી નંબર 1064 ઉપર મળેલ ફરિયાદ આધારે

રેલવે સ્ટેશન, ડીસા (પશ્ચિમ ઝોન,અમદાવાદ) ખાતે ફરજ બજાવતા ચીફ બુકિંગ ક્લાર્ક (સી. બી.સી.) સુરેશકુમાર રામુજી સોલંકી રૂ. ૫૦૦/- ની લાંચ લેતા ઝડપાયા.@sanghaviharsh @PIYUSH_270871 @DeepakMeghani@InfoGujarat @HARESHM38109376@BaldevD11469478 pic.twitter.com/QpJkHDxLSU

— ACB Gujarat (@ACBGujarat)

ટ્રેપિંગ અધિકારી: એલ.એસ.ચૌધરી

પોલીસ ઇન્સ્પેક્ટર, બનાસકાંઠા એ.સી.બી. પો.સ્ટે., પાલનપુર તથા એ.સી.બી. સ્ટાફ

ટ્વીટ જુઓ ↗