ત્વચા માટે ગુણકારી: વિટામિન 'સી' કોલેજન બનાવવામાં મહત્વપૂર્ણ ભૂમિકા ભજવે છે, જે ત્વચાના સ્વાસ્થ્ય માટે ખૂબ જરૂરી છે.
પાચનક્રિયા સુધારે છે: આમળામાં કેટલાક એવા પોષક તત્વો અને કુદરતી ઘટકો હોય છે, જે પાચનક્રિયાને મજબૂત બનાવે છે.
વાળ અને સ્કેલ્પ માટે ફાયદાકારક: આમળામાં રહેલ વિટામિન 'સી' અને એન્ટિઓક્સિડન્ટ્સ વાળ અને સ્કેલ્પના સ્વાસ્થ્યને જાળવી રાખવામાં મદદ કરે છે.
આમળાનો જ્યુસ બનાવવા માટે જરૂરી સામગ્રી:
3- 4 તાજા આમળા
અડધો ગ્લાસ પાણી
આદુનો એક નાનો ટુકડો
એક ચપટી કાળું મીઠું
થોડો લીંબુનો રસ
આમળાનો જ્યુસ બનાવવાની સરળ રીત:
સૌથી પહેલા તાજા આમળાને સારી રીતે ધોઈ લો.
ત્યારબાદ તેને નાના-નાના ટુકડા કરી તેના બીજ કાઢી લો.
હવે મિક્સર જારમાં આમળાના ટુકડા અને અડધો ગ્લાસ પાણી ઉમેરો. જો ઈચ્છો તો સ્વાદ માટે થોડું આદુ પણ ઉમેરી શકો છો.
બધી સામગ્રીને સારી રીતે પીસી લો, જેથી આમળાનું મિશ્રણ તૈયાર થઈ જાય.
હવે તેને ગરણી અથવા સાફ સૂતરાઉ કપડાની મદદથી ગાળી લો. જો તમને ઘટ્ટ (ગાઢો) જ્યુસ ગમતો હોય, તો તેને વગર ગાળ્યે પણ પી શકો છો.
તૈયાર થયેલા જ્યુસમાં સ્વાદ અનુસાર થોડું કાળું મીઠું અથવા લીંબુનો રસ મિક્સ કરો.
(અસ્વીકાર્ય:આ આર્ટિકલમાં સૂચવેલી ટિપ્સ ફક્ત સામાન્ય માહિતી માટે જ છે. કોઈ પણ ફિટનેસ પ્રોગ્રામ શરૂ કરતા પહેલા કે તમારા આહારમાં કોઈ પણ ફેરફાર કરતા પહેલા અથવા કોઈ પણ રોગના નિદાન માટે તમારા ડૉક્ટરની સલાહ ચોક્કસથી લો. અમારી આ સ્ટોરીનો હેતુ માત્ર તમારા સુધી માહિતી પહોંચાડવાનો છે. GUJARATPOST NEWS કોઈ પણ પ્રકારની જવાબદારી લેતું નથી.)