રથયાત્રા પૂર્વે ગુજરાત ATS નું મોટું ઓપરેશન: જૈશ-એ-મોહમ્મદના 8 આતંકીઓની ધરપકડ

આ તમામ શખ્સો ગુજરાતમાં આ આતંકી સંગઠનને સક્રિય (એક્ટિવ) કરવા માટે ગુપ્ત રીતે કામગીરી કરી રહ્યાં હતા. ચોક્કસ બાતમીને આધારે ATS ની અલગ-અલગ ટીમો બનાવીને આ સમગ્ર ઓપરેશન સફળતાપૂર્વક પૂરું કરવામાં આવ્યું છે અને હાલમાં આ તમામની સઘન પૂછપરછ ચાલી રહી છે.

ATSના સકંજામાં આવેલા 8 આતંકીઓની ઓળખ અહમદ અબ્દુલ્લા ગાજીવાળા, ઇબ્રાહિમ મોહમ્મદ હુસેન ઘાઘા,મુદસ્સીર અબ્દુલ્લા ગાજીવાલા, ઝકારીયા દુરાની, મુફ્તિ ફૌજાન, મોહમ્મદ અમીન શેરા, મોહમ્મદ અબ્દુલ રહેમાન સાવડી, બિલાલ મોહમ્મદ તરીકે થઈ  છે.

આ તમામ શખ્સો સામે દેશવિરોધી પ્રવૃત્તિઓ અને આંતરરાષ્ટ્રીય આતંકવાદી નેટવર્ક સાથે સાંઠગાંઠ છે. પૂછપરછમાં અનેક ચોંકાવનારા ખુલાસા થઈ શકે છે.