હોર્મુઝની અશાંતિ વચ્ચે 20,000 મેટ્રિક ટન LPG ભરેલું જહાજ સુરક્ષિત રીતે કંડલા બંદર પર પહોંચ્યું

માર્શલ આઇલેન્ડ્સનો ધ્વજ ધરાવતું સિમી નામનું આ જહાજ ભારત માટે આશરે 20,000 મેટ્રિક ટન LPGનો જથ્થો લઈને આવ્યું છે, જેમાં 21 વિદેશી ક્રૂ મેમ્બર્સ સવાર છે. મિડલ ઈસ્ટમાં ચાલી રહેલી અશાંતિને કારણે આ જહાજની સુરક્ષા પર સતત નજર રાખવામાં આવી રહી હતી.  જહાજે 13 મેના રોજ આ જળમાર્ગ સફળતાપૂર્વક પાર કર્યો હતો.

રાહતની વાત એ છે કે છેલ્લા 24 કલાકમાં વધુ બે મોટા LPG કેરિયર્સે હોર્મુઝનો આ ખતરનાક જળમાર્ગ સુરક્ષિત રીતે પાર કરી લીધો છે અને તેઓ અત્યારે ભારત તરફ આગળ વધી રહ્યા છે. આ બે જહાજો પૈકી એકનું નામ NV સનશાઈન છે.

#WATCH | Kachchh, Gujarat: The Marshall Islands-flagged tanker Symi carrying approx 20,000 tonnes of LPG arrives at the Kandla Port.

Symi crossed the Strait of Hormuz on May 13. pic.twitter.com/s6GboC1T4V

— ANI (@ANI)

ઉલ્લેખનીય છે કે, માર્ચ મહિનાની શરૂઆતથી અત્યાર સુધીમાં ભારત આવતા કુલ 13 જહાજોએ આ રૂટ પરથી સુરક્ષિત પેસેજ મેળવ્યો છે, જેમાં 12 LPG ટેન્કર્સ અને 1 ક્રૂડ ઓઈલ ટેન્કરનો સમાવેશ થાય છે. આ સફળતા ભારતીય ઊર્જા સુરક્ષા માટે ખૂબ જ મહત્વપૂર્ણ માનવામાં આવી રહી છે.

ટ્વીટ જુઓ ↗