UK પાર્લામેન્ટમાં ગુજરાતના શ્રી અમરત બાપા મેલડી ધામ મોટી ખાડોલનું સન્માન કરાયું

આ કાર્યક્રમનું સફળ આયોજન રંગભાઈ જોશી અને હરિભાઈ જોશી દ્વારા કરવામાં આવ્યું હતું. કાર્યક્રમમાં વિશેષ મહેમાન તરીકે દિલ્હીના    કિશન બ્રહ્મભટ્ટ તથા લંડન સ્થિત વૈદિક ગુરુકુલ સ્કૂલ અને C3S યુનિવર્સિટીના સ્થાપક હિરેનભાઈ રાવલ ઉપસ્થિત રહ્યાં હતા. પ્રસંગ દરમિયાન શ્રી અમરત બાપા મેલડી ધામ દ્વારા સમાજસેવા, ધાર્મિક જાગૃતિ અને ભારતીય સંસ્કૃતિના પ્રચાર-પ્રસાર માટે કરવામાં આવતી સેવાકીય પ્રવૃત્તિઓની માહિતી આપવામાં આવી હતી.

ઉપસ્થિત મહાનુભાવોએ ભારતીય સંસ્કૃતિ અને આધ્યાત્મિક મૂલ્યોને વૈશ્વિક સ્તરે પહોંચાડવાના પ્રયાસોને બિરદાવ્યા હતા. આ સમગ્ર કાર્યક્રમ ગૌરવ, સન્માન અને સાંસ્કૃતિક એકતાનું પ્રતિક બની રહ્યો હતો.