કલાકોમાં જ કરોડો રૂપિયાની ચાંદી જપ્ત, પહેલા રાજકોટમાંથી 280 કિલો અને પછી અમદાવાદમાંથી 100 કિલો ચાંદી પકડાઇ

SGST એ અમદાવાદથી 100 કિલો ચાંદીનો જથ્થો જપ્ત કર્યો છે, જેની લક્ઝરી બસમાં હેરાફેરી થઇ રહી હતી. ગીતામંદિરથી લકઝરી બસમાં રાજકોટ જઈ રહેલા એક વ્યક્તિ પાસેથી આ ચાંદીનો જથ્થો મળી આવ્યો છે. પ્રાથમિક તપાસમાં 80 ટકા જથ્થાનું કોઈ બિલ ના હોવાનું સામે આવ્યું છે. ચાંદીના મળી આવેલા જથ્થાનો કોઇએ ક્લેઇમ કર્યો નથી. સ્ટેટ GST વિભાગે આ જથ્થો કબ્જે કરીને તપાસ હાથ ધરી છે.

નોંધનિય છે કે આ પહેલા રાજકોટ ઇન્ટરનેશલ એરપોર્ટ પરથી 280 કિલો ચાંદી ઝડપાઇ હતી, જે જથ્થો વારાણસીથી રાજકોટ લાવવામાં આવ્યો હોવાનું સામે આવ્યું છે. એર ઇન્ડિયામાં કાર્ગોમાં આ જથ્થો અહીં લાવવામાં આવ્યો હતો. આ કેસની તપાસ ગુજરાત એટીએસ દ્વારા કરવામાં આવી રહી છે અને ફરીથી અમદાવાદમાંથી પણ ચાંદીનો ગેરકાયદેસર જથ્થો મળી આવ્યો છે.