અમદાવાદના રામોલમાં યુવકે જાહેરમાં કાચથી હાથની નસ કાપીને કર્યો આપઘાત

પોલીસે આસપાસના લોકોની પૂછપરછ શરૂ કરી 

આત્મહત્યા પાછળનું કારણ અકબંધ

આપઘાત કરનાર યુવકની ઓળખ 34 વર્ષીય ઘનશ્યામ પ્રજાપતિ તરીકે થઈ છે. પોલીસે ઘટના સ્થળનું પંચનામું કરીને યુવકના મૃતદેહને પોસ્ટમોર્ટમ માટે હોસ્પિટલ ખસેડ્યો છે. યુવકે કયા કારણોસર આ પગલું ભર્યું તે અંગે હજી સુધી કોઈ ચોક્કસ કારણ સામે આવ્યું નથી. રામોલ પોલીસે હાલ આપઘાતનો ગુનો નોંધીને કાયદેસરની કાર્યવાહી હાથ ધરી છે. પોલીસ મૃતકના પરિવારજનો અને આસપાસના લોકોની પૂછપરછ કરી રહી છે.