ભેળસેળ સામે મોટી કાર્યવાહી, પાટણમાંથી 14,709 કિલો ભેળસેળિયું તેલ જપ્ત

નફાખોરો તેલમાં ભેળસેળ કરીને તેને વિવિધ બ્રાન્ડ લેબલ હેઠળ વેચતા હતા. દરોડા દરમિયાન મોટી કંપનીઓના લેબલ મળી આવ્યાં હતા, જે પછી બજારમાં વેચવા માટેના કેન પર પ્લાસ્ટર કરવામાં આવ્યાં હતા.  

ગુજરાત તેમજ દેશભરના અન્ય રાજ્યોમાં ભેળસેળયુક્ત તેલનો મોટા પાયે સપ્લાય કરવામાં આવી રહ્યો હતો. તપાસ અધિકારીઓ કહે છે કે આ ફેક્ટરી છેલ્લા બે વર્ષથી કાર્યરત છે. તેથી ભેળસેળયુક્ત તેલ ક્યાં સપ્લાય કરવામાં આવી રહ્યું છે તે નક્કી કરવા માટે તેના સ્ટોક અને બિલ બુકની તપાસ કરવામાં આવી રહી છે. તપાસ ટીમે પેકેજિંગ માટે તૈયાર 40 કેન તેલ પણ જપ્ત કર્યું. ટ્રકમાંથી 210 કેન ભેળસેળયુક્ત તેલ પણ મળી આવ્યું હતું.