જામનગરમાં ACB ટ્રેપઃ PGVCL ના આ સરકારી બાબુ 80 હજાર રૂપિયાની લાંચ લેતા આવી રીતે પકડાયા

રકજકના અંતે રૂ 80,000 ની લાંચ આપવાનું નક્કી થયું હતું. જે લાંચની રકમ ફરીયાદી આપવા માંગતા ન હોવાથી એસીબીમાં ફરિયાદ આપી હતી. ફરિયાદને આધારે નાગાર્જુન પેટ્રોલ પંપ સામે, મોટી ખાવડી, જામનગર-ખંભાળીયા હાઇવે રોડ, તા.જી.જામનગર હાઇવે પર ગોઠવેલા લાંચના છટકામાં રૂષી દિનેશચંદ્ર પરમાર વતી આરોપી મનોજભાઇ ડુંગારામ પ્રજાપતિ, ઉ.વ.43. આસિસ્ટન્ટ લાઇન મેઇન, સાપર સબ ડિવિઝને રૂબરૂ આવી ફરીયાદી સાથે હેતુલક્ષી વાતચીત કરીને લાંચની રકમ રૂ. 80 હજાર સ્વીકારી હતી અને રૂષી પરમાર કચેરી ખાતેથી મળી આવ્યાં હતા. બંન્ને આરોપીને ડીટેઇન કરીને આગળની કાર્યવાહી એસીબીએ શરૂ કરી છે.

ટ્રેપીંગ અધિકારી : એ.આર.ગોહિલ, પોલીસ ઇન્સ્પેકટર, એ.સી.બી. પોલીસ સ્ટેશન જામનગર તથા જામનગર એ.સી.બી

સ્ટાફ સુપરવિઝન અધિકારી: જે.ડી.મેવાડા, મદદનીશ નિયામક, એ.સી.બી. રાજકોટ એકમ, રાજકોટ

ઇન્ચાર્જ અધિકારી : બલદેવસિંહ વાઘેલા, નાયબ નિયામક, એ.સી.બી. રાજકોટ.