અમરેલીમાં સિંહનો હુમલો, ગુસ્સે ભરાયેલો સાવજ યુવકનો મૃતદેહ છોડવા પણ તૈયાર ન હતો

ઘટનાની જાણ થતાં જ લીલીયા વનવિભાગ અને પોલીસનો કાફલો તાત્કાલિક ઘટના સ્થળે પહોંચી ગયો હતો. સિંહ અત્યંત ગુસ્સામાં અને આક્રમક સ્થિતિમાં હોવાથી તેઓ મૃતક સોહીલનો મૃતદેહ છોડવા તૈયાર ન હતો. વન વિભાગે ભારે જહેમતે યુવકના મૃતદેહને પોતાના કબ્જામાં લીધો હતો. ત્યારબાદ મૃતદેહને પોસ્ટમોર્ટમ માટે હોસ્પિટલ ખસેડવામાં આવ્યો હતો.

આ ઘટના બાદ વનવિભાગ એક્શન મોડમાં આવી ગયું છે. પ્રતિબંધિત વિસ્તારમાં આ યુવકો કેવી રીતે પહોંચ્યા તેની તપાસ હાથ ધરી છે. વનવિભાગે સિંહ દર્શન કરવા આવેલા અન્ય કેટલાક યુવકોની અટકાયત કરીને તેમની સઘન પૂછપરછ શરૂ કરી છે. પ્રતિબંધ હોવા છતા લોકો પોતાનો જીવ જોખમમાં મુકીને સિંહ દર્શન કરવા પહોંચે છે.