ભાવનગર મેડિકલ કોલેજમાં રેગિંગનો કેસ, 6 સિનિયર ડોક્ટરો સસ્પેન્ડ

નેશનલ મેડિકલ કમિશન (NMC) ના કડક નિયમો અને આરોગ્ય મંત્રી પ્રફુલ્લ પાનશેરિયાના નિર્દેશો અનુસાર, આ ડોકટરોને તાત્કાલિક હોસ્ટેલ ખાલી કરવાનો આદેશ આપવામાં આવ્યો છે. દોષિત ડોક્ટરોને છ મહિનાથી બે વર્ષ સુધી કોલેજમાં તમામ શૈક્ષણિક અને ક્લિનિકલ પ્રવૃત્તિઓમાંથી પ્રતિબંધિત કરવામાં આવ્યાં છે.

રેગિંગ વિરોધી સમિતિની મેરેથોન બેઠક યોજાઈ

ભાવનગરની સરકારી મેડિકલ કોલેજમાં વિદ્યાર્થીઓ વચ્ચે રેગિંગની ઘટનાની માહિતી મળતાં કોલેજની રેગિંગ વિરોધી સમિતિએ સંપૂર્ણ તપાસ શરૂ કરી. સમિતિએ કેસની હકીકતો જાણવા માટે 8.30 કલાક સુધી મેરેથોન બેઠક યોજી હતી.

આ તપાસ દરમિયાન 13 મેડિકલ વિદ્યાર્થીઓના કેસોની સંપૂર્ણ તપાસ કરવામાં આવી હતી. ઘટનાની હકીકતો જાણવા માટે 13 R3 ડોકટરો, તેમજ 5 થી 6 સહાયક સ્ટાફ સભ્યો અને ફેકલ્ટી સભ્યોના સત્તાવાર નિવેદનો નોંધવામાં આવ્યા હતા.