ખેડા જિલ્લામાં કલેક્ટરની મુલાકાત દરમિયાન પ્રાથમિક શાળાનો ઇન્ચાર્જ આચાર્ય નશાની હાલતમાં ઝડપાયો

કઠલાલ તાલુકાના કાણીયલ ગામનો આચાર્ય ભગવતસિંહ ઝાલા હાલમાં ગંગાદાસના મુવાડા પ્રાથમિક શાળામાં ઇન્ચાર્જ આચાર્ય તરીકે ફરજ બજાવે છે. તે નશા હાલતમાં મળી આવતા તરત જ કાર્યવાહી કરવામાં આવી હતી. અગાઉ તે મહેમદાવાદ તાલુકાની રૂદન પ્રાથમિક શાળામાં ફરજ બજાવતો હતો, જ્યાં પણ તે વિવાદમાં આવ્યો હતો.

પ્રાંત અધિકારીના જણાવ્યાં અનુસાર કાણિયેલ ગામમાં કલેક્ટર તથા જીલ્લા વિકાસ અધિકારીની મુલાકાત હતી. ત્યારે જુદી જુદી શાળા અને આંગણવાડીનો રિવ્યું ચાલી રહ્યો હતો, ત્યારે કાણિયેલ ગામના જે મુખ્ય શિક્ષક હતા એમને સાહેબ થોડી પ્રશ્નોત્તરી કરતા તેના જવાબ પરથી થોડી શંકા જતા પોલીસ કાર્યવાહી કરાઇ હતી.