યુવરાજસિંહનો નવો ઘટસ્ફોટ, બાયડના વાસણી રેલમાં મૃતક ખેડૂતને જીવતા બતાવીને કરાયું જમીન કૌભાંડ

આપ નેતા યુવરાજસિંહ જાડેજાનો આક્ષેપ છે કે વર્ષ 1972માં મૃત્યું પામેલા ખેડૂત છગનભાઈ પટેલને વર્ષ 2025માં જીવતા દર્શાવીને તેમના નામે ખોટી પાવર ઓફ એટર્ની, આધારકાર્ડ અને ઓળખપત્ર જેવા નકલી દસ્તાવેજો ઊભા કરવામાં આવ્યા હતા. આ સમગ્ર ખેલમાં ઠાકોર મોહતજી નામના વ્યક્તિના આધારકાર્ડનો ઉપયોગ કરી છગનભાઈને જીવિત દર્શાવાયા હતા. 

કોઈ પણ પ્રકારના વારસાઈ પેઢીનામા વગર બાયડ સબ-રજિસ્ટ્રાર કચેરીએ આ વેચાણ દસ્તાવેજ કેવી રીતે નોંધી આપ્યાં તે મુદ્દે સરકારી અધિકારીઓ પર આશંકા સેવાઈ રહી છે. હાલમાં આ કૌભાંડ અંતર્ગત નકલી ખેડૂત, ખરીદનાર અને સાક્ષીઓ સામે તાત્કાલિક FIR નોંધવાની તેમજ ચેક દ્વારા થયેલા તમામ નાણાંકીય વ્યવહારોની તપાસ કરવાની માંગ ઉઠી છે.

ભૂમાફિયાઓએ જે નવું આધારકાર્ડ બનાવ્યું છે, તેમાં છગનભાઈની જન્મતારીખ લખી 1-01-1971 અને તેમની મરણ તારીખ1972માં. સવાલએ ઉભો થાય છે કે માત્ર 1 વર્ષના બાળક છગનભાઈએ 1950 થી જમીનની માલિકી પણ મેળવી લીધી હતી. આધારકાર્ડની શરૂઆત ભારતમાં 2010 થી થઈ તો જે માણસ 1972 માં મૃત્યું પામ્યા છે. તો આધારકાર્ડ નીકળ્યું કઇ રીતે ? 

ઓળખ બદલવી, નકલી દસ્તાવેજો બનાવવા, ખોટા દસ્તાવેજો સાચા ગણાવવા, તે સંગઠિત ગુનાહિત કાવતરું ઘડવાનો ફોજદારી મામલો છે. આ મામલે તાત્કાલિક સરકારે તપાસ કરાવવી જરૂરી છે.