મહિસાગરમાં નકલી લગ્ન કરાવનારી ગેંગનો પર્દાફાશ, દુલ્હન સહિત ત્રણ આરોપીઓની ધરપકડ

બનાવટી લગ્ન દ્વારા 5 લાખ રૂપિયાની છેતરપિંડી

મહિસાગર જિલ્લાના કોઠંભા પોલીસ સ્ટેશન વિસ્તાર હેઠળના ખારોલ ગામમાં ખેડૂતના પુત્ર વિરાટ પટેલ સાથે નકલી લગ્ન ગોઠવવામાં આવ્યા હતા અને દુલ્હન અને વચેટિયાઓએ કુલ  રૂ. 5,27,000 ની છેતરપિંડી કરી હતી. પીડિતે દુલ્હન, તેના માતા પિતા અને વચેટિયાઓ વિરુદ્ધ કોઠંભા પોલીસ સ્ટેશનમાં છેતરપિંડીની ફરિયાદ નોંધાવી હતી. જિલ્લા પોલીસે ફરાર આરોપીઓને તાત્કાલિક ધરપકડ કરવા કડક સૂચનાઓ જારી કરી હતી. મહિસાગર SOG, પોલીસ ઇન્સ્પેક્ટરે તપાસને વધુ તીવ્ર બનાવવા માટે અલગ અલગ ટીમોનું નેતૃત્વ કર્યું હતું. પોલીસે દુલ્હન સહિત 3 આરોપીઓની ધરપકડ કરી છે. દુલ્હન સગીર વયની છે, તેની પણ ધરપકડ કરવામાં આવી છે. તેના પિતા હજુ પણ ફરાર છે.

રાજસ્થાનથી આરોપીની ધરપકડ

પોલીસે હવે દલાલ અને વચેટિયાને શોધી કાઢ્યાં છે. કુલ બે લોકોની ધરપકડ કરવામાં આવી છે. બે આરોપીઓ, નટુભાઈ ગોહિલ અને નિકિતાબેન ચાવડાની રાજસ્થાનથી ધરપકડ કરવામાં આવી હતી, સગીર કન્યાની પણ ધરપકડ કરવામાં આવી હતી. પોલીસ હાલમાં વધુ તપાસ હાથધરી છે અને કન્યાના પિતા વિશે પૂછપરછ કરી રહી છે.