Google Pixel 8 Pro વિશે ઘણા સમાચાર સામે આવી રહ્યાં છે. ગૂગલે હવે 4 ઓક્ટોબરે પોતાની લોન્ચ ઈવેન્ટમાં નવા ફોન લોન્ચ કરવાની જાહેરાત કરી છે. Google Pixel 8 Pro, Pixel 8 અને Watch 2 નવા પ્રોમો વીડિયોમાં જાહેર કરવામાં આવ્યાં છે. Google Pixel 8 મોડલ ભારતમાં લાવશે. Google Pixel Watch 2 ભારતમાં લોન્ચ થશે કે નહીં, તેની માહિતી હજુ આપવામાં આવી નથી.
વીડિયોમાં Pixel 8 પીચ કલર વેરિઅન્ટમાં જોવા મળે છે. જ્યારે Pixel 8 Pro સફેદ રંગમાં દેખાય છે. ગૂગલના નો યુ હાર્ડવેર પહેલાથી જ ફોનના બ્લુ અને બ્લેક વિકલ્પો જાહેર કરી ચૂક્યાં છે.
બંને નવા Pixel ફોન ગયા વર્ષના Pixel 7 ફોન જેવા જ દેખાય છે. ફોનમાં પાછળની બાજુએ આડો કેમેરા છે.તેની બોડી ગ્લોસી ફિનિશ સાથે આવે છે. ફીચર્સ વિશે વાત કરીએ તો, Google Tensor G3 ચિપસેટ Pixel 8 અને Pixel 8 Proમાં આપવામાં આવે તેવી અપેક્ષા છે. આ વીડિયોમાં Pixel 8 પર ડ્યુઅલ રિયર કેમેરા સેટઅપ આપવામાં આવી શકે છે. Pixel 8 Proમાં ટ્રિપલ રિયર કેમેરા આપવામાં આવશે. કેમેરામાંથી એક પેરિસ્કોપ-શૈલીનો લેન્સ હશે જે વધુ સારી રીતે ઝૂમ પ્રદાન કરે છે.
