ગત 14 એપ્રિલે સલમાન ખાનના ગેલેક્સી એપાર્ટમેન્ટની સામે ફાયરિંગ કરવામાં આવ્યું હતું
બે દિવસ બાદ ફાયરિંગના બંને આરોપીઓ ઝડપાઈ ગયા હતા
મુંબઈઃ બોલિવૂડ એક્ટર સલમાન ખાનને (Bollywood actor salman khan) લઈને મોટા સમાચાર સામે આવ્યાં છે. તેના પર ફરી એકવાર હુમલો કરવાનું કાવતરું ઘડવામાં આવી રહ્યું હતું. જો કે, મુંબઈ પોલીસે (Mumbai police) આ પ્રયાસને નિષ્ફળ બનાવ્યો હતો. નવી મુંબઈ પોલીસે ચાર લોકોની ધરપકડ કરી છે. ધરપકડ કરાયેલા ચાર આરોપીઓ લોરેન્સ બિશ્નોઈ ગેંગના (Lawrance Bishnoi) સભ્યો છે.
પોલીસે જણાવ્યું કે આરોપીઓ પનવેલમાં સલમાન ખાનની કાર પર હુમલો કરવાની યોજના બનાવી રહ્યાં હતા. કારમાં તોડફોડ કરવા માટે પાકિસ્તાનથી સપ્લાયર પાસેથી હથિયારો મેળવવાનું ષડયંત્ર પણ ઘડવામાં આવી રહ્યું હતું. આ કેસમાં પોલીસે અત્યાર સુધીમાં લોરેન્સ બિશ્નોઈ, અનમોલ બિશ્નોઈ, ગોલ્ડી બ્રાર, સંપત નેહરા સહિત 17 લોકો વિરુદ્ધ FIR નોંધી છે. ધરપકડ કરાયેલા આરોપીઓની ઓળખ ધનંજય ઉર્ફે અજય કશ્યપ, ગૌરવ ભાટિયા ઉર્ફે નહવી, વાસ્પી ખાન ઉર્ફે વસીમ ચિકના અને રિઝવાન ખાન ઉર્ફે જાવેદ ખાન તરીકે થઈ છે.

















