સાથીદાર પર પણ ઇનામ: ગોલ્ડી બરાડની સાથે તેના 26 વર્ષીય સાથી કરણબીર સિંહની ધરપકડ માટે પણ ઇનામ જાહેર કરવામાં આવ્યું છે.
વિનીપેગમાં સુખદૂલ સિંહ ગિલની હત્યાનો આરોપ
કનાડામાં ગોલ્ડી બરાડ પર 2023 માં થયેલી એક હાઈ-પ્રોફાઈલ હત્યાનો મુખ્ય આરોપ છે.
ઘટનાની વિગત: 20 સપ્ટેમ્બર, 2023ના રોજ સવારે આશરે 10 વાગ્યે વિનીપેગના ઉત્તર-પશ્ચિમ વિસ્તારમાં હેઝલટન ડ્રાઇવ સ્થિત એક ઘરમાં ગોળીબાર થયો હતો, જેમાં 39 વર્ષીય સુખદૂલ સિંહ ગિલની હત્યા થઇ હતી.
તપાસ અને વોરંટ: વિનીપેગ પોલીસની હોમિસાઇડ યુનિટ, રોયલ કેનેડિયન માઉન્ટેડ પોલીસ (RCMP) અને મેનિટોબા જસ્ટિસની સંયુક્ત તપાસ બાદ 23 ફેબ્રુઆરી, 2026 ના રોજ 32 વર્ષીય ગોલ્ડી બરાડ અને કરનબીર સિંહ સામે ફર્સ્ટ-ડિગ્રી મર્ડર (પ્રથમ શ્રેણીની હત્યા) અને હત્યાના કાવતરાના આરોપો હેઠળ દેશવ્યાપી ધરપકડ વોરંટ જારી કરવામાં આવ્યાં હતા.
અમેરિકાની FBI ની ટોપ-10 યાદીમાં પણ સામેલ
કેનાડા પહેલાં અમેરિકાએ પણ ગોલ્ડી બરાડ સામે મોટી કાર્યવાહી કરી છે. 7 જુલાઈ, 2026 ના રોજ અમેરિકી એટર્ની કાર્યાલયે ઓપરેશન હાર્ડ બોલ હેઠળ લોરેન્સ બિશ્નોઈ સંગઠિત અપરાધ ગેંગમાં તેની ભૂમિકા બદલ તેને આરોપી બનાવ્યો હતો.
અમેરિકી એજન્સીઓ મુજબ, બ્રિટિશ કોલંબિયામાં એક પ્રમુખ ભારતીય હસ્તીની હત્યાના કેસમાં પણ તેની સંડોવણી છે. હાલમાં તે FBIની ટોપ-10 મોસ્ટ વોન્ટેડ ભાગેડુઓની યાદીમાં સામેલ છે અને તેના પર 10 લાખ અમેરિકી ડોલરનું ઇનામ રાખવામાં આવ્યું છે.
પોલીસની ચેતવણી અને હેલ્પલાઇન નંબર
વિનીપેગ પોલીસના ડેપ્યુટી ચીફ કેમ મેકકિડે સ્પષ્ટ કર્યું છે કે કેનેડાની કાયદા અમલીકરણ એજન્સીઓ દેશમાં હિંસા ફેલાવતા તત્વો સામે કડક કાર્યવાહી કરવા પ્રતિબદ્ધ છે. પોલીસે નાગરિકોને ચેતવણી આપી છે કે ગોલ્ડી બરાડ અને કરણબીર સિંહ બંને હથિયારોથી સજ્જ અને અત્યંત જોખમી હોઈ શકે છે. તેથી કોઈને પણ તેમની ભાળ મળે તો જાતે નજીક જવાને બદલે તાત્કાલિક પોલીસને જાણ કરવી. વિનીપેગ પોલીસે માહિતી આપવા માટે (431) 334-9160 હેલ્પલાઇન નંબર જારી કર્યો છે.