ભાગો ભાગો રેડ પછી... ભાવનગરમાં જુગાર રમી રહેલા લોકો પોલીસના ડરથી ભાગ્યા અને કૂવામાં પડતા 3 નાં મોત

ઉખરલા ગામના વાડી વિસ્તારમાં 11 લોકો જુગાર રમી રહ્યાં હતા. દરમિયાન પોલીસ રેડ પડી હોવાની બૂમ પડતા તમામ લોકો ત્યાંથી ભાગ્યા હતા. ભાગદોડ દરમિયાન રાહુલ પોપટભાઈ ચૌહાણ, નિલેશ ડાભી અને અજીતસિંહ નામના ત્રણ યુવકો કૂવામાં પડી જતા તેમનું મોત થયું છે.

પોલીસ સ્થળે પર પહોંચીને મૃતદેહોને બહાર કાઢીને પોસ્ટમોર્ટમ માટે હોસ્પિટલ ખસેડ્યાં હતા. આ ઘટનાની પરિવારને જાણ થતા હોસ્પિટલમાં દોડી આવ્યા હતા. 

મૃતકોના પરિવારજનોનો આક્ષેપ છે કે પોલીસની રેડ દરમિયાન ભાગવાનો પ્રયાસ કરતા ત્રણેય યુવકો કૂવામાં પડી ગયા હતા. જો કે, પોલીસના ઉચ્ચ અધિકારીઓ તેમજ વરતેજ પોલીસ રેડ અંગે ઇનકાર કરી રહી છે. જેના કારણે ઘટનાની હકીકતને લઈને અનેક સવાલો ઊભા થયા છે. હાલ સમગ્ર મામલે પોલીસ વધુ તપાસ હાથ ધરી છે.