Sardar Patel Jayanti: પીએમ માોદી પહોંચ્યાં સ્ટેચ્યૂ ઓફ યુનિટી, લોહપુરુષને આપી શ્રદ્ધાંજલિ- કહ્યું- તેમનું યોગદાન પ્રેરણાદાયી

એકતાનગરઃ સરદાર વલ્લભભાઈ પટેલની 151 મી જન્મજયંતિ નિમિત્તે દેશભરમાં આજે રાષ્ટ્રીય એકતા દિવસ ઉજવવામાં આવી રહ્યો છે. વડાપ્રધાન નરેન્દ્ર મોદીએ શનિવારે સવારે એકતાનગરમાં સ્ટેચ્યૂં ઓફ યુનિટી પહોંચીને સરદાર વલ્લભભાઈ પટેલની 151મી જન્મજયંતિ નિમિત્તે તેમને પુષ્પાંજલિ અર્પણ કરી હતી. 

નરેન્દ્ર મોદીએ એક્સ પર લખ્યું, અખંડ ભારતના પ્રણેતા દેશના લોહપુરુષ સરદાર વલ્લભભાઈ પટેલને તેમની જન્મજયંતિ પર સાદર પ્રણામ. તેમણે એક સશક્ત, સમૃદ્ધ અને સમર્થ ભારતના નિર્માણ માટે પોતાનું જીવન સમર્પિત કરી દીધું. મા ભારતીની સેવામાં તેમનો ત્યાગ અને સમર્પણ વિકસિત અને આત્મનિર્ભર ભારતના નિર્માણ માટે ખૂબ મોટો પ્રેરણાસ્રોત છે.

કેન્દ્રીય ગૃહમંત્રી અમિત શાહે જણાવ્યું હતું કે, ઘણા વર્ષો સુધી ભારતે સરદાર સાહેબને તેમના યોગદાન બદલ તે સન્માન ન આપ્યું, જેના તેઓ વાસ્તવમાં હકદાર હતા. કોંગ્રેસ પાર્ટીએ હંમેશાં સરદાર સાહેબની સ્મૃતિઓને ભૂંસી નાખવાનો પ્રયાસ કર્યો છે. જોકે, સૂર્યના તેજને ક્યારેય છુપાવી શકાતો નથી.