Real Stories. Real Gujarat.
અરવલ્લીઃ લાંચ રુશ્વત વિરોધી બ્યુરો દ્વારા મેઘરજ ખાતે છટકું ગોઠવીને લાંચ લેતા રેવન્યું તલાટીને રંગેહાથ ઝડપી પાડવામાં આવ્યાં છે. આરોપી ગુમાનસિંહ ભુપેન્દ્રસિંહ વાઘેલા (રેવન્યું તલાટી, વર્ગ-3, મેઘરજ મામલતદાર કચેરી, જી. અરવલ્લી, રૂપિયા 5000ની લાંચ માંગતા એસીબીના છટકામાં સપડાયા.
આ કેસની હકીકત મુજબ, ફરિયાદીના પિતાના અવસાન બાદ તેમની વડિલોપાર્જિત જમીનમાં ફરિયાદી અને તેમની બહેનોના નામ વારસાઈ તરીકે દાખલ કરવાના હતા. આ કામગીરી માટે આરોપી ગુમાનસિંહ વાઘેલાએ રૂપિયા 5000 ની લાંચની માંગણી કરી હતી. ફરિયાદી લાંચ આપવા માંગતા ન હોવાથી તેમણે અરવલ્લી એ.સી.બી.નો સંપર્ક કર્યો હતો.
ફરિયાદના આધારે, તા. 06/05/2026 ના રોજ મુડશી ગ્રુપ ગ્રામ પંચાયત કચેરી ખાતે લાંચના છટકાનું આયોજન કરવામાં આવ્યું હતું. આ દરમિયાન આરોપીએ ફરિયાદી સાથે હેતુલક્ષી વાતચીત કરીને લાંચના નાણાં સ્વીકારતા એ.સી.બી.ની ટીમે તેને સ્થળ પર જ ઝડપી લીધા હતા.
