•મનીલામાં પીએમ મોદી સાથેની મુલાકાત દરમિયાન અમેરિકી રાષ્ટ્રપતિ ડોનાલ્ડ ટ્રમ્પે વડાપ્રધાન મોદીની પ્રશંસા કરી હતી. તેમણે નરેન્દ્ર મોદીને મજબૂત નેતા ગણાવતાં કહ્યું હતું કે ક્વાડના નેતાઓ તેમના સારા મિત્રો છે.
PM મોદી ખૂબ જ મજબૂત નેતા છે: મનીલામાં ટ્રમ્પે કર્યા ભરપેટ વખાણ ! જાપાનના PM સાથે મોદીની કરી સરખામણીતસવીર: ગુજરાત પોસ્ટ
શેર કરો:
PM Modi Donald Trump Meeting: વડાપ્રધાન નરેન્દ્ર મોદી અને અમેરિકાના રાષ્ટ્રપતિ ડોનાલ્ડ ટ્રમ્પ વચ્ચે ફિલિપાઇન્સની રાજધાની મનીલામાં મહત્વપૂર્ણ મુલાકાત યોજાઈ હતી. મુલાકાત દરમિયાન ટ્રમ્પે પીએમ મોદીના ખુલ્લા દિલથી વખાણ કરતાં તેમને 'ખૂબ જ મજબૂત વ્યક્તિ' ગણાવ્યાં, એટલું જ નહીં, ટ્રમ્પે જાપાનના વડાપ્રધાન સના તાકાઇચી સાથે મોદીની સરખામણી કરી હતી. ક્વાડ દેશોની બેઠક અને વૈશ્વિક રાજકીય સમીકરણો વચ્ચે યોજાયેલી આ મુલાકાતને આંતરરાષ્ટ્રીય કૂટનીતિની દ્રષ્ટિએ ખૂબ મહત્ત્વપૂર્ણ માનવામાં આવી રહી છે.
ટ્રમ્પે પીએમ મોદીને ગણાવ્યા 'ખૂબ જ મજબૂત વ્યક્તિ'
મનીલામાં પીએમ મોદી સાથેની મુલાકાત દરમિયાન અમેરિકી રાષ્ટ્રપતિ ડોનાલ્ડ ટ્રમ્પે વડાપ્રધાન મોદીની પ્રશંસા કરી હતી.તેમણે નરેન્દ્ર મોદીને મજબૂત નેતા ગણાવતાં કહ્યું હતું કે ક્વાડના નેતાઓ તેમના સારા મિત્રો છે.
મનીલામાં કેમ મળી રહ્યાં છે વિશ્વના મોટા નેતાઓ ?
પીએમ મોદી હાલમાં ફિલિપાઇન્સની રાજધાની મનીલામાં ક્વાડ નેતાઓની બેઠકમાં ભાગ લઈ રહ્યાં છે. આ બેઠકમાં ભારત, અમેરિકા, જાપાન અને ઓસ્ટ્રેલિયા વચ્ચે પ્રાદેશિક સુરક્ષા અને આર્થિક સહયોગને વધુ મજબૂત બનાવવા અંગે ચર્ચા થઈ રહી છે. ક્વાડ માત્ર સુરક્ષા સહયોગ પૂરતું મર્યાદિત નથી. ઇન્ડો-પેસિફિક ક્ષેત્રમાં સ્થિરતા, વેપાર, ટેક્નોલોજી અને સપ્લાય ચેઇનને સુરક્ષિત રાખવા માટે પણ આ જૂથ મહત્ત્વની ભૂમિકા ભજવે છે.
આર્થિક સુરક્ષા અને સપ્લાય ચેઇન પર રહેશે ખાસ ફોકસ
મનીલામાં યોજાયેલી બેઠકમાં આર્થિક સુરક્ષા મુખ્ય મુદ્દાઓમાંનો એક છે. ખાસ કરીને નીચેના મુદ્દાઓ પર ચર્ચા થવાની છે:
નવી ટેક્નોલોજી: આર્ટિફિશિયલ ઇન્ટેલિજન્સ અને અન્ય અદ્યતન ટેક્નોલોજીમાં સહયોગ.
સપ્લાય ચેઇન: વૈશ્વિક વેપાર માટે જરૂરી વસ્તુઓનો અવિરત પુરવઠો જાળવવો.
માળખાગત સુવિધાઓ: વ્યૂહાત્મક અને મહત્ત્વપૂર્ણ ઇન્ફ્રાસ્ટ્રક્ચરને વધુ મજબૂત બનાવવું.
વૈશ્વિક રાજકારણમાં બદલાતાં સમીકરણો વચ્ચે આ મુદ્દાઓ ભારત સહિત ક્વાડના તમામ દેશો માટે મહત્ત્વ ધરાવે છે.
ચીન અને ફિલિપાઇન્સ વચ્ચેના તણાવ વચ્ચે ક્વાડ બેઠકનું મહત્ત્વ વધ્યું
મનીલામાં યોજાયેલી આ બેઠકનું એક મોટું કારણ દક્ષિણ ચીન સાગર વિસ્તારમાં વધતો તણાવ પણ છે. ચીન અને ફિલિપાઇન્સ વચ્ચે દરિયાઈ સીમા અને અધિકારોને લઈને લાંબા સમયથી વિવાદ ચાલી રહ્યો છે, આ સંજોગોમાં ક્વાડ દેશોની બેઠકને ઇન્ડો-પેસિફિક ક્ષેત્રમાં સુરક્ષા અને સ્થિરતા જાળવવાના પ્રયાસ તરીકે જોવામાં આવી રહી છે. દરિયાઈ માર્ગોની સુરક્ષા, આંતરરાષ્ટ્રીય વેપાર અને વ્યૂહાત્મક સહયોગ જેવા મુદ્દાઓ આ બેઠકમાં ખાસ મહત્ત્વ ધરાવે છે.
ટ્રમ્પની મનીલા મુલાકાત સામે રસ્તા પર ઉતર્યા વિરોધીઓ
એક તરફ ટ્રમ્પ અને અન્ય વૈશ્વિક નેતાઓ વચ્ચે મહત્વપૂર્ણ રાજદ્વારી બેઠકો યોજાઈ રહી છે, તો બીજી તરફ મનીલામાં અમેરિકી રાષ્ટ્રપતિની મુલાકાતનો વિરોધ પણ જોવા મળ્યો હતો. ટ્રમ્પની મુલાકાતના વિરોધમાં સતત પાંચમા દિવસે પ્રદર્શનકારીઓ રસ્તા પર ઉતર્યા હતા. વિરોધીઓએ ટ્રમ્પનું પૂતળું બાળીને મધ્ય પૂર્વમાં ચાલી રહેલા યુદ્ધને તાત્કાલિક બંધ કરવાની માગ કરી હતી. આ પ્રદર્શનો દર્શાવે છે કે ટ્રમ્પની વિદેશ નીતિ અને અમેરિકાની આંતરરાષ્ટ્રીય ભૂમિકા સામે ફિલિપાઇન્સમાં કેટલાક વર્ગોમાં અસંતોષ છે.
PM મોદી ખૂબ જ મજબૂત નેતા છે: મનીલામાં ટ્રમ્પે કર્યા ભરપેટ વખાણ ! જાપાનના PM સાથે મોદીની કરી સરખામણી